‘अन्तरे’ बन्दै चोपेन्द्र

12 Shares

फिल्म । गएको वर्ष प्रदर्शनमा आएको फिल्म ‘बुलबुल’ मा ‘चोपेन्द्र’ को भूमिका निर्वाहा गरेर चर्चामा आएका अभिनेता मुकुन भुषाल नयाँ फिल्ममा अनुबन्ध भएका छन् । सत्यराज चौलागाईंको निर्देशनमा बन्न लागेको फिल्म ‘अन्तरे’ मा उनले मुख्य भूमिका निभाउन लागेका हुन् । उनी यसै साता फिल्ममा आबद्ध भएका हुन् । मुकुनले फिल्मको स्क्रिप्ट राम्रो लागेका कारण काम गर्नका लागि राजी भएको बताए । ‘मैले मेरो आफ्नो पात्र मात्र हेरिनँ, पुरै स्क्रिप्ट पढेँ । स्क्रिप्टमा जे लेखिएको छ पुरै फिल्ममा देखाउन सकिने गरि लेखिएको छ । समग्रमा ‘अन्तरे’ नेपालमा चाहिएको जस्तै फिल्म बन्नेछ’ मुकुन्द विश्वस्त छन् ।

‘अन्तरे’ चरित्रात्मक भएकोले त्यही किसिमको चरित्र निर्वाह गर्ने अन्य कलाकारहरु छनोटको काम भइरहेको निर्देशक चौलागाईंले बताए । रेड आइज फिल्म्सको ब्यानरमा निर्माण हुन लागेको फिल्ममा राज पण्डित र सुबास राईले लगानी गर्दैछन् । फागुनको पहिलो साता फ्लोरमा जाने तयारी गरिरहेको निर्माता राज पण्डितले बताए ।

कमेन्ट गर्नुहोस्