सङ्गीत। युवा उद्यमीसँगै गायनलाई निरन्तरता दिईरहेका आरोहन श्रेष्ठले नयाँ गीत सार्वजनिक गरेका छन्। काठमाडौंमा एक कार्यक्रमको आयोजना गर्दै उनले आफ्नै शब्द र गायनमा ‘सपनाको घर’ बोलको गीतसँगै म्युजिक भिडियो समेत सार्वजनिक गरेका छन्। गीतमा कोविद बज्र र विकेश बज्रको सङ्गीत रहेको छ। जेनेसिस इभेन्टस प्रा. लि. को पहिलो प्रस्तुति रहेको गीतको भिडियोमा नम्रता सापकोटा र शिशिर भण्डारी फिचर्ड छन्।
नम्रता र शिशिरको प्रेमकथा देखाईएको गीतको भिडियोलाई नारायण प्रधानले निर्देशन गरेका हुन्। रोशन महर्जन र अनिष तामाङले भिडियोमा पूर्वी नेपालको इलाम, झापा लगायतका रमणीय स्थललाई कैद गरेकाछन्।
कमेन्ट गर्नुहोस्
