फिल्म । पछिल्लो समय भारतमा लोकसभा निर्वाचनको चर्चा छ । तर यस निर्वाचन अगावै फिल्म ‘पीएम नरेन्द्र मोदी’ हुने चर्चा छ । निर्माताले फिल्मको रिलिज डेट आउँदो अप्रिल ११ लाई तय गरेका छन् । पछिल्लो समय फिल्मलाई अदालतमा मुद्दा परेको थियो तर यसलाई सुप्रिम कोटले प्रदर्शन गर्ने इजाजत दिईसकेको छ । साथै फिल्म सेन्सर पनि भइसकेको छ । फिल्मलाई सेन्सर बोर्डले युनिभर्सल सर्टिफिकेट दिदै २ घण्टा १० मिनेट ५३ सेकेन्ड प्रदर्शन गर्न पाउने अधिकार प्रदान गरेको छ । यसअघि फिल्मको रिलिजलाई लिएर अन्यौल भएता पनि फिल्म आउँदो विहिबार नै रिलिज हुने पक्का भएको हो । फिल्मलाई मोदीको प्रचारको रुपमा पाइएपछि असन्तुष्ट पक्षले रोक्नु पर्ने माँग गर्दै अदालतमा मुद्दा दायर गरेका थिए ।
फिल्ममा मोदी सामान्य चियावाला देखि लिएर सन्त हुदै राजनीतिज्ञ देखि प्रधानमन्त्री हुँदासम्मको यात्रालाई समेटिएको छ । फिल्मलाई यस अगाडी नै मेरिकोम निर्देशन गरेर चर्चामा आएका ओमंग कुमारले निर्देशन गरेका छन् । फिल्ममा मोदीको भूमिका विवेक ओबरायले निर्वाह गरेका छन् । उनलाई यो भूमिकाको लागि झन्डै तिन वर्ष अगाडी नै भनिएको थियो , जस अनुसार उनले आफुलाई मेन्टेन गरिरहेका थिए । गुजरातको सामान्य जीवनयापनबाट राजनीतिमा प्रवेश गर्दै गुजरातको मुख्यमन्त्री हुँदै भारतको प्रधानमन्त्रीसम्मको मोदीको संघर्षको यात्रालाई फिल्ममा देखाइने छ । गुजरात दंगा, राजनीतिमा इन्ट्री, सन्यासी बन्ने यात्रा, राममन्दिर विवादजस्ता मुद्दालाई समेत फिल्ममा उठाइएको छ । विवेकले विभिन्न भूमिका निर्वाह गरेका छन् ।
#CensorNews: #PMNarendraModi certified U by Indian censors #CBFC on 9 April 2019. Approved run time: 130 min, 53 sec [2 hours, 10 minutes, 53 seconds]. #India
— taran adarsh (@taran_adarsh) April 9, 2019
पछिल्लो समय मोदी भारतीय प्रधानमन्त्रीको रुपमा विश्वभर परिचित भएकाले पनि फिल्मलाई दर्शकले हेर्न उत्तिकै उत्सुक रहेको हुनसक्ने निर्माण पक्षको दावी छ । यद्यपि प्रधानमन्त्री पदमा रहेका मोदीको जीवनमाथि बनाइएको फिल्म ‘राजनीतिक स्वार्थ’बाट प्ररित रहेको टिप्पणी हुन थालेको छ । भारतमा चुनाव हुनुअघि सार्वजनिक हुने फिल्म भारतीय जनता पार्टीको ‘राजनीति हत्कण्डा’को रुपमा धेरैले अथ्र्याएका छन् ।
यद्दपी यसलाई निर्माण पक्षले नकार्दै आएका छन् । फिल्मको लागि गत तिन वर्ष देखि प्रि-प्रोडक्सनको कार्य भइरहेको निर्माण पक्षको दावी छ । पाकिस्तान र भारतको सीमायुद्धलाई समेत उठाइएको सार्वजनिक ट्रेलरमा उरी काण्डलाई समेत समेटिएको छ । ट्रेलरमा देखिएका यी यस्तै विषय वस्तुले फिल्म प्रतिको लोकप्रियता दर्शक माँझ बढ्ने भारतीय मिडियाको विश्लेषण छ । फिल्मले मोदी प्रति चासो राख्नेलाई आकर्षित गर्न सक्नेछ ।
