फिल्म । बलिउडमा पछिल्लो समय वरुण धवन एकपछि अर्को फिल्म मार्फत सफलता हात परिरहेका छन् । यिनै वरुणको नयाँ फिल्मको नाम ‘स्ट्रीट डान्सर ३’ रहेको छ । उनले सामाजिक सञ्जाल मार्फत यसको घोषणा गरेका हुन् । उनले टाइटलसँगै फिल्मको रिलिज डेट समेत घोषणा गरेका छन् । फिल्म आउदो नोभेम्बर ८ मा रिलिज हुनेछ । ‘एविसिडी’ सिरिजको तेस्रो सिरिजमा आइपुग्दा यसको नाम परिवर्तन गरिएको हो । फिल्ममा वरुणसँगै श्रद्धा कपूर लिड रोलमा रहनेछिन् भने यसमा प्रभु देवाको पनि भूमिका रहनेछ ।
उनलाई दोस्रो रिलिजमा देखिएको थियो । फिल्मलाई रिमो डिसुजाले निर्देशन गर्नेछन् । गत वर्ष उनको फिल्म रेस ३ ले बलिउडमा राम्रो ब्यापार गर्न सकेन । यसैले पनि उनले आफ्नै फिल्म ‘एविसीडी’ सिरिजलाई सुरुवात गरेका छन् । फिल्ममा पहिला कट्रिना कैफलाई प्रस्ताव गरिएको थियो तर उनले व्यस्तता देखाउदै फिल्ममा अभिनय नगर्ने बताइन ।
