सङ्गीत । आर्टमान्डूबाट नयाँ म्युजिकल फिल्म ‘उडान’ सार्वजनिक भएको छ । सार्वजनिक गरिएको गीतको भिडिओमा ट्र्याक्टर ड्राइभरको जीवनशैली र नेपालको ग्रामीण परिवेशलाई प्रस्तुत गरिएको छ । गीतमा आशिष अविरलको स्वर तथा सङ्गीत सुन्न सकिन्छ । यसको भिडियोमा सम्राट थापा, अन्जना बराइली र प्रकाश नेपालीको अभिनय रहेको छ ।
‘तीनपाते’, ‘के माया लाग्छ र र? ‘, ‘घुमीघुमी’जस्ता चर्चित म्युजिकल फिल्म निर्माण गरेको आर्टमान्डुको यो नयाँ गीत हो । ‘जीवनमा अधिकतम बाँच्, हास्न, नाच्न जानेका मजेदार पात्रमाथि यो सिर्जना समर्पित गर्न पाउँदा एकदम खुशी छौं’ निर्देशक नवीन चौहान भन्छन् । पाँचथर, इलामको सीमानामा रहेको सप्तमी बजारमा भिडिओको छायांकन गरिएको थियो ।
कमेन्ट गर्नुहोस्
