पोखराको फेसन शोमा प्रशान्त ‘सो स्टपर’

92 Shares

फेशन । पोखरामा अगष्ट २ तारिखमा हेरिटेज अफ फेसन नेपालको आयोजना हुने भएको छ । राजधानीमा आयोजित एक कार्यक्रमका बीच यसको बारेमा जानकारी गराइयो । साथै, यही कार्यक्रम अष्ट्रेलियामा पनि आयोजना हुने आयोजकले बताएको छ । एएसएपीको आयोजनामा हुन लागेको यो फेसन शोमा उदाउँदै गरेका मोडलहरु र्‍याम्प नाप्नेछन् ।

नेपालको फेसन डिजाइनिङमा उदाइसकेका डिजाइनरहरुले तयार पारेका पहिरनमा मोडलहरु स्टेजमा हिड्ने आयोजकले जानकारी दिएको छ । यो कार्यक्रममा सो स्टपरको रुपमा मोडल, कोरियोग्राफर तथा कलाकार प्रशान्त ताम्राकार रहनेछन् । यस्तै, ‘कर्पोरेट क्विन २०१९’ शित्तल थापा पनि सो स्टपरको रुपमा फेसन शोमा प्रस्तुत हुनेछिन् । यो कार्यक्रममा गायिका मिलन नेवार र प्राप्ती तुलाचनले आफ्नो प्रस्तुति राख्नेछन् ।

शोको कोरियोग्राफर मुस्कान रानी हुन् । यस्तै, गायक धिरज राइले पनि कार्यक्रममा सहभागीता जनाउनेछन् । आयोजकले यो कार्यक्रम भिजिट नेपाल २०२० लाई लक्षित राख्दै आयोजना गर्न लागेको बताएको छ । यस किसिमको कार्यक्रमले नेपालका हेरिटेजहरुको प्रमोशनमा पनि यसले सहयोग पुर्याउने विश्वास आयोजकको छ । शोमा पुर्खाहरुले लगाउने पहिरनदेखि हेरिटेज झल्किने पहिरन समावेश हुनेछ ।

Facebook Comments