फिल्म । कोरोना भाइरसको कारण अहिले विश्वअधिकांस देशमा भिडभाड हुने माध्यमलाई रोकिएको छ । यसले मनोरंजन क्षेत्र पनि उत्तिकै मारमा परेको छ । चीनको वुहानमा पहिलोपटक देखिएको कोरोना भाइरस अहिले विश्वका अधिकांस देशमा पुगिसकेको छ । यसैले गर्दा हलिउड तथा बलिउडका ठुला फिल्महरुले रिलिज रोकिरहेका छन् । तर , केहि समय यता बलिउडका केहि फिल्महरु ओटीटि प्लेटफर्ममा रिलिज भईरहेको छ । जसमा अक्षय कुमार अभिनित फिल्म ‘लक्ष्मी बम्ब’ पनि लिस्टेड छ ।
अक्षय अभिनित फिल्मको ट्रेलर यहिँ अगस्ट १८ मा रिलिज हुदैछ भने फिल्मलाई दर्शकले आउँदो सेप्टेम्बर ९ मा हेर्न पाउनेछन् । भारतीय मिडियामा आएको खबरलाई आधारमान्ने हो भने फिल्मलाई अक्षयको जमोत्सवको अवसर पारेर रिलिज गरिन लगिएको हो । यद्दपी आधिकारिक घोषणा भने भएको छैन । फिल्म डिज्ने प्लस हटस्टारमा रिलिज हुनेछ । राघव लोरेन्सको निर्देशनमा तयार हरर कमेडी फिल्म ‘लक्ष्मी बम्ब’ मा अक्षयसँगै कियारा अडवाणीको अभिनय रहेको छ । (एजेन्सी)
