जयहोस् । दशक अगाडी नेपाल टेलिभिजनबाट प्रशारण हुने टेलिफिल्म ‘तीतोसत्य’ मार्फत स्थापित बनेका दीपकराज गिरी पछिल्लो समय भने ठुलो पर्दामा नै व्यस्त छन् । तात्कालिन हिट कमेडी सिरियलहरु तीतोसत्य , जिरे खुर्सानी र मेरी बासै युनिट एकसाथ फिल्म ‘६ एकान ६’मा देखिएपछी फिल्मलाई दर्शकले रुचाए । त्यसपछि तीतोसत्यमा समेत कम देखिदै ठुलो पर्दामै देखिदै आएका दीपक टेलिफिल्म ‘भद्रगोल’ मा देखिने भएका छन् ।
उनि आउदो घटस्थापनमा रिलिज हुने फिल्म ‘छक्का पञ्जा ३’ को प्रोमोसन गर्न ‘भद्रगोल’ मा पुगेका हुन् । ‘फिल्म प्रमोसनको लागि टेलिफिल्ममा पुगेको थिए , घर पुगेको झैँ आभाष भयो’ दीपकले भने ‘पछिल्लो समय फिल्मकै व्यस्तताले गर्दा अन्त समय दिन सकेको छैन ।’ दीपक फिचर फिल्मसँगै इभेन्टमा व्यस्त छन् । शुक्रबार प्रशारण हुदै आएको हास्य सिरियल ‘भद्रगोल’मा यसपटक दर्शकले दीपकसँगै दीपाश्री निरौला र केदार घिमिरेलाई समेत देख्न पाउनेछन् ।
