टिभी । लोकप्रिय टिभी शो ‘सीआईडी’ को दोस्रो सिजनलाई दर्शकहरूले निकै रुचाएका छन् । यसपटक पनि दया, अभिजीत र एसीपी प्रद्युमनले मृत्युको रहस्य सुल्झाउँदै गरेको देखिन्छ । तर अब शोमा एउटा ठूलो ट्विस्ट आएको छ । सीआईडीका मुख्य पात्रलाई निर्माताहरूले शोबाट हटाउने निर्णय गरेका छन्, जसले गर्दा सिरियलको कथा एकपटक फेरि परिवर्तन हुनेछ । यसलाई सोनी टेलिभिजनले नै प्रमाणित गरेको छ ।
उनीहरुले पोस्टमार्फत एसीपी प्रद्युमन अर्थात् शिवाजी सटमको चरित्र समाप्त गर्दै शोबाट बिदाइ गरेका छन् । सीआईडीमा अहिलेसम्म धेरै पात्रहरूको मृत्यु भएको देखाइएको छ, तर प्रत्येक पटक एसीपी प्रद्युमनले आफ्ना साथीहरूको साथ फिर्ता पाएका थिए । रिपोर्टहरूमा निर्माताहरूले दर्शकहरूको ध्यान खिच्न यो ट्विस्ट ल्याएको र पछि शिवाजी सटमलाई शोमा फिर्ता ल्याउन सक्ने कुरा पनि उल्लेख गरिएको छ । तर, स्रोतहरूका अनुसार एसीपीलाई फिर्ता ल्याउने कुनै योजना छैन, सोही कारण सोनी टेलिभिजनले आफ्नो सामाजिक सञ्जालमार्फत एउटा एरा सकिएको बताएका छन् ।
