फिल्म । संजयलीला भन्साली पछिल्लो समय पिरियड ड्रामा बनाइरहेका छन् । यद्दपी उनको लभ स्टोरीलाई दर्शकले प्रतिक्षा गरिरहेको लामो समय भइसकेको छ । किनकी देवदास , हम दिल दे चुके सनम जस्ता लभ स्टोरी उनले दर्शक समक्ष ल्याईसकेका छन् । यिनै संजयले केहि समय अगाडी इन्शाल्लाह’ निर्देशनसंगै निर्माण गर्ने घोषणा गरेका थिए । यद्दपी त्यो फिल्मको काम अझै सुरु हुन् सकेको छैन ।
फिल्ममा सलमान खान र आलिया भट्टलाई लिएर छायांकन थाल्ने तयारी गरिरहेका संजयले सलमानसँग कुरा नमिल्दा प्रोजेक्टलाई अगाडी बढाउन सकेनन् । त्यसपछि उनले गंगुवाई कठियावाडी’ को काम अगाडी बढाए । यद्दपी संजय आफ्नो लेख्न र संगीत पनि रहेको फिल्मलाई दर्शकसम्म ल्याउन चाहन्छन । यिनै संजयले फिल्ममा ऋतिक रोशनलाई अभिनय गराउने तयारी थालेका छन् ।
उनले ऋतिकसँग गुजारिस जस्तो फिल्ममा काम गरिसकेका छन् । दर्शकका लागि पनि ऋतिक र आलियाको जोडी फ्रेश हुने भएकाले उनले तयारी अगाडी बढाएका हुन् । आलिया पछिल्लो समय संजयको निकट हिरोइन बन्दैछिन् भने ऋतिकलाई पनि लभ स्टोरी मन परेको छ । उनले निर्माण गर्ने हिरामंडी सिरिज पश्चात फिल्मको काम अगाडी बढ्नेछ । यता , ऋतिक पनि पछिल्लो समय फाइटरमा व्यस्त छन् । (एजेन्सी)
