फिल्म । यतिबेला सम्लान खान अभिनित फिल्म ‘दबंग ३’ प्रदर्शनरत छ । फिल्ममा सलमान खान चुलबुल पाण्डेको अवतारमा छन् । तर , फिल्मले सोच अनुसारको व्यापार गर्न सकेको छैन । सलमानकै पछिल्लो फिल्म ‘भारत’ ले ४२.३० करोड व्यापार गरेको थियो । यसैले गर्दा पनि नन होलिडेमा यसले झन्डै ३५ करोडको हाराहारीमा व्यापार गर्ने अनुमान भारतीय ट्रेड पण्डितले गरेका थिए । तर , पहिलो दिन यसले २४.५० करोडको मात्र व्यापार गर्यो । यसमा दिल्लीमा भईरहेको आन्दोलनले केहि असर गरेको अनुमान गरिएको छ , तथापी फिल्मको ‘वर्ड अफ माउथ’ राम्रो छैन । यसैले गर्दा पनि फिल्मको व्यापार दोस्रो दिन २४.७५ मात्र भयो । यसले अब आज आइतबार , क्रिसमस र सलमानको बर्थ डे बाहेक अन्य दिन व्यापार गर्ने सम्भावना न्यून भएको भारतीय मिडियामा उल्लेख छ ।
फिल्मको प्रतिक्रिया खराब आएपछि फिल्मको ९ मिनेट ४२ सेकेन्ड घटाइएको छ । फिल्ममा समावेश आवारा बोलको गीत पुरै हटाइएको छ भने नैना लडे बोलको गीत पनि घटाईएको छ । यसैगरी केहि कमेडीका दृश्य पनि हटाइएको छ । दर्शकले सलमान बाहेक फिल्ममा हेर्न लायक अन्य केहि नभएको भनेपछि फिल्मको केहि दृश्य घाटाइएको हो । दर्शकले फिल्ममा गीत धेरै भएको समेत भनेका छन् । यसैगरी फिल्ममा नयाँ पन नभएको समर प्रतिक्रिया दर्शकले दिएका छन् । फिल्ममा सलमान चुलबुल अवतारमै छन् । उनको आफ्नो लाइफ छ नै ।
यसका साथै उनको चुलबुल बन्नुको कथालाइ पनि यसमा देखाईएको छ । फिल्ममा सलमानसंगै अरबाज खान , सुदीप , सोनाक्षी सिन्हा , साइ मंजेकर लगायतको अभिनय रहेको छ भने यसलाई प्रभु देवाले निर्देशन गरेका हुन् । सलमानको लागि ‘वान्टेड’ जस्तो फिल्म निर्देशन गरेका प्रभु देवाले दबंगको तेस्रो सिरिजबाट भने चर्चा बटुल्न सकेनन् । (एजेन्सी सहयोगमा)
