फिल्म । यतिबेला बलिउडमा चर्चा छ त शाहिद कपूरको । पछिल्लो समय उनको रिलिज फिल्म ‘कबिर सिंह’ ले पाएको सफलताले मात्र होइन , उनको अभिनय क्षमताको कारण चर्चा बढ्दो छ । कबिर सिंहलाई जीवन्त बनाउन शहिदले कुनै कसर बाँकी राखेका छैनन् ।
उनले आफुलाई प्रस्तुत गरेको भूमिकाकै कारण यतिबेला शाहिद फेरी छाएका छन् । पछिल्लो समय कमिने र हैदर जस्ता फिल्म मार्फत बलिउडमा आफ्नो दबदबा कायम गरेका शाहिदले नयाँ उपनाम कबिर सिंह पाएका छन् । शाहिदको प्रस्तुति देखेरै यतिबेला करण जोहरले पनि उनलाई फिल्म अफर गर्ने सोच बनाएका छन् । उनले एक अन्तर्वाताको क्रममा आफुले साउथको फिल्म रिमेक गर्न लागेको र त्यसमा पर्फेक्ट शाहिद नै हुने बताए ।
उनले साउथको फिल्म ‘जर्सी’ को रिमेक गर्ने सोच बनाएका छन् । फिल्ममा एउटा क्रिकेटरको कथा देखाइएको छ । फिल्ममा नानी र श्रद्धा श्रीनाथको मुख्य भूमिका रहेको छ । करणले फिल्मको लागि दुइ हिरोइन कियारा आडवानी र अनन्या पाण्डेसँग कुरा समेत अगाडी बढाएका छन् । (एजेन्सी)
