फिल्म । निर्देशक नितेश तिवारीको महत्वाकांक्षी फिल्म ‘रामायण’ को औपचारिक घोषणा गरिएको छ । निर्माण पक्षले भिडियोमार्फत फिल्म बन्ने र यसमा रहने कलाकारको घोषणा गरेका हुन् । यो फिल्म ८०० करोडको विशाल बजेटमा निर्माण हुँदैछ र दुई भागमा रिलिज हुनेछ । पहिलो भाग २०२६ को दिवालीमा र दोस्रो भाग २०२७ को दिवालीमा दर्शकमाझ आउने पक्का भएको छ ।
पहिलो भागको करिब ३ मिनेट लामो भिडियो सार्वजनिक गरिएको छ । सार्वजनिक भिडियोमा रणवीर कपूर र यशलाई देखाइएको छ । नमित मल्होत्राद्वारा निर्मित यो फिल्ममा रणवीर कपूरले राम, साई पल्लवीले सीता र साउथ सुपरस्टार यशले रावणको मुख्य खलनायकको भूमिका निभाएका छन्। यो फ्रेन्चाइजले दर्शकलाई वर्षभरि उत्साहित बनाउने अपेक्षा गरिएको छ ।
कमेन्ट गर्नुहोस्