फिल्म । आर्यन सिग्देल अभिनित फिल्म ‘डिसेम्बर फल्स’ को ट्रेलर सार्वजनिक भएको छ । प्रवीण झाको निर्देशनमा बनेको फिल्म ‘डिसेम्बर फल्स’को सार्वजनिक ट्रेलरमा प्रेम, द्वन्द्वसँगै फिल्मको कथासार खुलाइएको छ । नर्ससँग प्रेम भएपछि आउने उतारचढावमा फिल्म केन्द्रीत छ । फिल्ममा आर्यनसँगै उपासना सिंह ठकुरी, नरेश भट्टराई, सलोन बस्नेत,शिवहरि पौडेल,नागेन्द्र रिजाल,शिसिर राणालगायत कलाकारको अभिनय रहेको छ ।
काठमाडौंमा एक कार्यक्रमका बीच सार्वजनिक गरिएको २ मिनेट २३ सेकेन्डको ट्रेलरको विषयमा बोल्दै आर्यनले दर्शकले खोजे जस्तो फिल्म बनेको बताए । ‘यसमा हासो, रोदन, प्रेम, द्वन्द्व सबै छन् । अहिले दर्शकले चाहिरहेको फिल्म बनेको छ । मनोरंजनसँगै यसले संदेश पनि दिन्छ’, आर्यनले भने । केही समय यता निकै यसै फिल्ममार्फत निकै आशावादी रहेका आर्यनले प्राविधिक पाटोमा समेत ध्यान दिएका छन् ।
रामप्रसाद रिजालले निर्माता रहेको ‘डिसेम्बर फल्स’ रिजाल एन्ड रिजाल प्रोडक्सनको ब्यानरमा निर्माण भएको हो भने यसमा कार्यकारी निर्माता लक्ष्मण रिजाल र असिम काफ्ले छन् । निर्माणमा रामलाई राजकुमार भट्टले साथ् दिएका छन् । आगामी पुष १५ गतेबाट प्रदर्शनमा आउन लागेको फिल्ममा विपिका खनालको कथा, केदार भुषाल र प्रतिक पौडेलको पटकथा तथा संवाद, बनिष शाहको सम्पादन, श्री श्रेष्ठको द्वन्द्व निर्देशन, कविराज गहतराज, रामजी लामिछाने, शिशिर खाती र प्रविण सिंहको कोरियोग्राफी छ । फिल्मलाई सुनिल मानन्धरको कम्पनी श्रीराम बालाजी फिल्मस्ले देशभर वितरण गर्दैछ ।
