फिल्म । कोरोना भाइरसको महामारीपछि छिमेकी मुलुक भारतको फिल्म उद्योग बलिउडले ठुलो घाटा बेहोर्नु पर्यो । प्रदर्शन भएको अधिकाँस फिल्म असफल भइरहेका छन् । साउथमा बन्ने तामिल , तेलुगु , कन्नडाले विश्वभर दर्शक बढाईरहदा बलिउडले भने गुमाउनु पर्यो। दर्शक ओटीटी (ओभर दी टप) भनिने नेटफ्लिक्स , अमेजन प्राइम भिडियो , जी फाइभ , डिज्नी प्लस हटस्टार लगायतमा रमाउनु थाल्नु भयो ।
हल पुग्ने समय र खर्चले माथी उल्लेखित ओटीटीको सेवा झन्डै वार्षिक नै उपभोग गर्न पाइने भएपछि बलिउडले दर्शक गुमाइरहेको समीक्षा भयो । नेपालमा पनि त्यस्तै देखियो । यहाँ ओटीटीको प्रभाव नभएता पनि फिल्म हेराई महँगीएपछि दर्शक घटेको पाईयो । सुरुवाती व्यापार आक्रामक गर्ने कलाकारहरुको फिल्ममा नै दर्शक देखिनु भएन । वर्ड अफ माउथ बलियो नभएसम्म दर्शकहलसम्म पुग्नु भएन । कारण अपेक्षा गरिएका धेरै फिल्महरु असफल भए ।
प्रदीप खड्काले अभिनय गर्नु भएको फिल्म ‘प्रकाश’ ले न्यून सुरुवात गर्यो । उहाँले अभिनय गरेको पछिल्लो फिल्मको तथ्यांक हेर्ने हो भने सुरुवाती दिनमा नै व्यापार राम्रो हुन्थ्यो । समीक्षा आएपछि दर्शकको संख्यामा घटबढ त हुन्छ । तर यसपटक दर्शक सुरुमै आउनु भएन । यसपटक प्रदीप आफ्नो स्टारडमको छायाँबाट निस्किए प्रकाश बन्नुभएको थियो । जुम्लाको एक गाउँले युवकमा उहाँलाई देखियो । उहाँको अघिल्लो फिल्मले एक दिनमै गर्ने व्यापार ‘प्रकाश’ ले एक सातामा पनि गर्न सकेको थिएन ।
कारण दर्शक नै आउनु भएन । अभिनेता खगेद्र लामिछानेले टल्क जंग भर्सेस टुल्के , पशुपति प्रसाद जस्ता फिल्मबाट दर्शकको मन जित्नु भएको छ । उहाँ प्रति एक वर्ग विश्वस्त छ । उहाँले उठान गर्ने विषयवस्तु अर्गानिक हुने गरेको छ । उहाँ ‘पानीफोटो’ मार्फत लेखक र अभिनेतासँगै निर्देशक बनेर आउनु भयो । रचनात्मक पक्षमा आफैँले मुल्यांकन गरेर तयार गरेको फिल्म हेर्नेको संख्या न्यून छ ।
गत साउनमा प्रदर्शन भएको फिल्मले गरेको व्यवसाय न्यून छ । प्रचारप्रसार गरेवापतको खर्च समेत उठाउन सकेन् । दर्शक हल आएर राम्रो नराम्रो प्रतिक्रिया दिनु भन्दा पनि हलसम्मै आउनु भएन । अभिनेताको रुपमा आफ्नो पहिचान स्थापित गर्नुभएको सौगात मल्ल ‘द सेक्रेट्स अफ राधा’ मार्फत निर्माता बन्नुभयो । फिल्मले उठान गरेको विषयवस्तु मन परेर आफू निर्माता बनेको उहाँले बताउनु हुन्छ ।
चरित्र बाच्ने अभिनेताको रुपमा दर्शकले स्वीकार्नु भएको सौगात पनि असफल हुनुभयो । उहाँको फिल्म एकसाता नबित्दै हलबाट निकालियो । किनकी दर्शकको उपस्थिति न्यून थियो । सौगातले कलाकारिता गरेर आर्जन गर्नुभएको रकम फिल्म निर्माणमा लगाउँदा दर्शक हलसम्मै आउनु भएन । यी उदाहरण मात्र हुन् । कबड्डी ४ बाहेक अन्य फिल्मले लगानी हलबाट उठाउन सकेको छैन ।
ए मेरो हजुर ४ र पझिँगेदाउले हलमा गरेको व्यापारसँगै विदेश राईट्स् , डिजिटल राईट्स् लगायतबाट लगानी सुरक्षित गरेको हुनसक्छन । बलिउडको पनि अवस्था यस्तै छ । साउथ इन्डियामा बनेको पुष्पा , आरआरआर , केजीएफ : च्याप्टर २ बाहेक बलिउडको २/३ फिल्मले मात्र लगानी सुरक्षित गर्न सफल भएन । अक्षय कुमार , आमिर खान जस्ता स्टारको फिल्मले गरेको व्यापार निकै न्यून छ ।
![](https://www.jayhosh.com/wp-content/uploads/2022/09/Hijo-Aajko-Kura-Large-Ad.jpg)
![](https://www.jayhosh.com/wp-content/uploads/2022/09/Babari-Large-Add.jpg)
![](https://www.jayhosh.com/wp-content/uploads/2022/08/Jhinge-Daau-Large-Add.jpg)
लेखकसँगै फिल्मको रेगुलर दर्शक प्रदीप भारद्वाज दर्शक घट्नुको कारण महँगी बताउनु हुन्छ । प्राय शुक्रबार देखि शनिवारसम्ममा प्रदर्शन भएको फिल्म हेरिसक्नु हुने भारद्वाज टिकेट दर भन्दा पनि खानेकुरा महँगीएको बताउनु हुन्छ । ‘फिल्म हेर्न जाँदा जति खर्च टिकेटमा हुन्छ त्यो भन्दा बढी खानेकुरामा । टिकेट , पार्किङ , कफी र पपकर्नको जोड्ने हो भने एक हजार हाराहारीमा पर्न सक्छ । यसले गर्दा दर्शक फिल्म प्रति विश्वत नभएसम्म हलसम्म आइरहनु भएको छैन’ उहाँले भन्नुभयो ।
भारतमा भने ओटीटी पनि कारण रहेको बलिउड अभिनेता तथा निर्देशक विशाल देसाई बताउनुहुन्छ । ‘हलमा जाँदा हुने खर्च बढिरहेको छ नै । हामीले ओटीटी अप्सन पाएका छौँ । हल रिलिज भएको आठ हप्ता भित्रमा ओटीटीमै आउँछ भने किन समय र पैसा खर्चिने ? अहिले दर्शकको सोचाई यस्तै छ’ उहाँले भन्नुभयो । निर्देशक देसाईले आफ्नै ड्राइभरको उदाहरण दिदै भन्नुभयो ,’मेरो ड्राइभर पहिले मलाई पार्किङमा पर्खिदा आराम गर्नु हुन्थ्यो । अहिले मोवाईलमा ओटीटी आएको फिल्म हेरेको पाउँछु । उहाँ विदामा हल जानु हुन्थ्यो फिल्म हेर्न तर अहिले ओटीटी आइहाल्छ नी भनेर त्यो विदा परिवारसँग घरमै सदुपयोग गर्नु हुन्छ ।’
![](https://www.jayhosh.com/wp-content/uploads/2022/09/Hijo-Aajko-Kura-Post-Ad.jpg)
![](https://www.jayhosh.com/wp-content/uploads/2022/09/Babari-Post-Add-New-.jpg)
दर्शकमा फिल्म प्रतिको चेतना बढ्नुका साथै मेकर्सले गम्भीर भएर फिल्म नबनाउँदा दर्शक निराश भएको नेपाल चलचित्र संघको पुर्व अध्यक्ष प्रदीपकुमार उदय बताउनु हुन्छ । ‘आर्थिक मन्दीले असर गरिरहेको छ । आइरहेका फिल्महरुमा नयाँपन पाइएको छैन । लकडाउन पश्चात नेपालमा पनि ओटीटी प्रयोगकर्ता बढेकोले पनि दर्शक हलमा कम देखिनु भएको हो’ उहाँले भन्नुभयो । मेकर्सले सिरियस भएर फिल्म मेकिङ नगरे उहाँ दर्शकलाई आकर्षण गरेसम्म हलमा ल्याउन गाह्रो हुने बताउनु हुन्छ ।