संगीत । गायक विक्रम जंग शाहले आफ्नो गीत ‘ज्यानलाई भो खतरा’ सार्वजनिक गरेका छन् । आफ्नो जन्मोत्सवको अवसर पारेर विक्रमले गीत सार्वजनिक गरेका हुन् । सार्वजनिक गीतमा लेखु सहयात्रीको शब्द र सुभाष भुषालको संगीत रहेको छ । गायनमा विक्रमलाई प्रसिद्ध गायिका अन्जु पन्तले साथ् दिएकी छिन् । विक्रमले गीत सुहाउँदो भिडियो तयार गरेको बताए ।
‘गीतसंगीतलाई पनि अगाडी बढाउदैछु , आफु सुहाउँदो गीतलाई तयार गर्दैछु’ विक्रमले भने । मुस्ताङको रमणीय स्थल मार्फा गाउँ र धुम्बा ताल परिसरमा खिचिएको भिडियोमा नायिका शिल्पा पोखरेल फिचर्ड छिन् । नेपाली तथा भोजपुरी फिल्ममा सक्रिय रहेकी शिल्पासँगै भिडियोमा रविन्द्र रिमाल फिचर्ड छन् । रविन्द्रको यो डेब्यु भिडियो हो ।
शिल्पाले भिडियोलाई निकै मेहनतका साथ खिचिएको बताइन । गीतको भिडियो सञ्चारकर्मी मनोज केसीको कन्सेप्ट रहेको छ भने यसलाई निर्देशक सम्झना उप्रेती रौनियारले निर्देशन गरेकी हुन् । अडियोको भाव अनुसारनै भिडियो तयार पार्ने प्रयास गरिएको निर्देशक सम्झनाले बताइन ।
नेपाली फिल्म तथा गीतसंगीतसँग सक्रिए विक्रमले यसगीतको टिकटक बनाउनेलाई आउँदो भिडियोमा अवसर दिने बताए । ‘यसगीतमा टिकटक बनाउने मध्येबाट एक जनाले आउँदो भिडियोमा अभिनय गर्ने मौका पनि पाउनु हुनेछ’ विक्रमले बताए । उनले उत्कृष्ट भिडियोको चयन आफ्नो टीमले गर्ने समेत बताए । यसका लै टिकटक प्रयोगकर्ताले टिकटक बनाएर ह्यासट्यागमा ‘ज्यानलाई खतरा’ लेखेर पोस्ट गर्नु पर्ने हुन्छ ।
सार्वजनिक गीतको भिडियोमा गोविन्द राईको कोरियोग्राफी , रामेश्वर हुमागाईंको छायांकन , भरत रेग्मीको सम्पादन तथा रंग संयोजन , सिता तामाङ केसीको मेकअप, राजेन्द्र कमल राईको ड्रेस डिजाइन र सुन्दर श्रेष्ठ (आइडियल)को पोस्टर डिजाइन रहेको छ । गीतको भिडियोलाई सबस्त ईन्टरटेनमेन्टको युट्युब च्यानलबाट सार्वजनिक गरिएको छ ।
