फिल्म । बलिउडमा पछिल्लो समय एकपछि अर्को गर्दै गीत मार्फत चर्चा बटुल्नेमा पर्छिन् , नोरा फतेही । सत्यमेव जयतेमा रिमेक गरिएको दिलवरमा नृत्य गरेपछि उनको चर्चा अचानक बढ्यो । सन् २०१४ मा बलिउड तथा टलिउड सुरु गरेको उनको करियरले सन् २०१८ मा मात्र रफ्तार पायो । उनले नृत्य गरेको दिलवरले सफलता पाएपछि उनि एकाएक चर्चामा आइन । त्यसपछि उनले नृत्य गरेको स्त्रीको कमरिया , बाट्ला हाउसको ओ साकी साकीले पनि ऊतिकै चर्चा पायो । त्यसपछि उनि नृत्यसंगै फिल्मको रोलमा पनि छानिन् थालिन ।
उनलाई सलमान खानले फिल्म ‘भारत’ मा छोटो रोल दिएका थिए । यिनै नोराले यतिबेला परीनिती चोपडालाई रिप्लेस गरेकी छिन् । उनले अजय देवगन अभिनित फिल्म ‘भूज : द प्राइड अफ नेशन’ बाट परीनितीलाई रिप्लेस गरेकी हुन् । फिल्ममा उनले हिना रहमानको भूमिकालाई निर्वाह गर्नेछिन् । अभिषेक दुधैयाको निर्देशनमा बन्ने फिल्ममा नोराले स्पाइको भूमिकालाई निर्वाह गर्नेछिन् । (एजेन्सी)
