फिल्म । गत तिन वर्ष यता रोकिएको ‘राष्ट्रिय चलचित्र पुरस्कार’ शुक्रबार एक कार्यक्रमको आयोजना गर्दै राष्ट्रपति निवास शितल भवनमा प्रदान गरिएको छ । एकै पटक वि.सं २०७३, २०७४ र २०७५ को ‘राष्ट्रिय चलचित्र पुरस्कार’ वितरण गरिएको हो । वि.सं २०७४ सालको कुरा गर्ने हो भने पुष्प खड्काले फिल्म ‘मंगलम’बाट उत्कृष्ट अभिनेताको पुरस्कार जितेका छन् भने, बेनिशा हमालले फिल्म ‘ब्लाइन्ड रक्स’बाट उत्कृष्ट अभिनेत्रीको पुरस्कार जितेकी छिन् ।
यसैगरी सम्पादन तर्फ ‘मंगलम’ बाटै मित्रदेव गुरुङ , छायाँकन तर्फ ‘कृ’बाट पुरुषोत्तम प्रधान , लेखन तर्फ ‘धनपति’ बाट खगेन्द्र लामिछानेले पुरस्कार जिते । यसैगरी निर्देशन तर्फ ‘ब्लाइन्ड रक्स’ बाट मिलन चाम्सले अवार्ड जिते भने फिल्म तर्फ पनि ‘ब्लाइन्ड रक्स’ ई उत्कृष्ट बन्यो । उत्कृष्ट आदिवासी, जनजाति, विभिन्न मातृभाषिको पुरस्कार भने फिल्म ‘टिन्छेन फामा’ले जित्यो ।
यस्तै, उल्लेखनिय अभिनय राष्ट्रिय चलचित्र पुरस्कार–महिलातर्फ मिथिला शर्मालाई ‘मंगलम’बाट पुरस्कार प्रदान गरियो । ‘उल्लेखनिय अभिनय राष्ट्रिय चलचित्र पुरस्कार–पुरुष’तर्फ भने रमेश रञ्जन झाले ‘शत्रुगते’बाट पुरस्कार प्राप्त गरे । यस्तै, २०७४ सालको ‘चलचित्र दीर्घ साधना सम्मान’ निर्देशक किशोर रानामगरलाई प्रदान गरिएको थियो । उनलाई नगद ३ लाख ५१ हजार, सम्मापनत्र प्रदान गरिएको थियो । तर, कार्यक्रममा निर्देशक राना भने अनुपस्थित थिए ।
तस्वीरहरु : श्रीधर पौडेल / मेरोफिल्म डटकम
राष्ट्रिय चलचित्र पुरस्कार तथा दीर्घ साधना सम्मान २०७४
चलचित्र दीर्घ साधना सम्मान, २०७४ बरिष्ठ चलचित्रकर्मी श्री किशोर रानामगर
उत्कृष्ट सम्पादन मंगलम् मित्रदेव गुरुङ
उत्कृष्ट छायाङ्कन कृ पुरुषोत्तम प्रधान
उत्कृष्ट लेखन (कथा, पटकथा, सम्वाद) धनपति खगेन्द्र लामिछाने
उत्कृष्ट अभिनेत्री ब्लाइन्ड रक्स बेनिशा हमाल
उत्कृष्ट अभिनेता मंगलम् पुष्प बहादुर खड्का
उत्कृष्ट निर्देशक ब्लाइन्ड रक्स मिलन चाम्लिङ राई (मिलन चाम्स)
उत्कृष्ट चलचित्र ब्लाइन्ड रक्स चाम्स ईन्टरटेनमेन्ट प्रा.लि. (मिलन चाम्लिङ राई)
उत्कृष्ट चलचित्र(आदिवासी, जनजाति, विभिन्न मातृभाषी) टिन्छेन फामा (शेर्पा भाषा) शेर्पा म्युजिक वल्र्ड प्रा.लि.(कुङगा शेर्पा)
उल्लेखनीय अभिनय रष्ट्रिय चलचित्र पुरस्कार महिला मंगलम् मिथिला शर्मा
उल्लेखनीय अभिनय रष्ट्रिय चलचित्र पुरस्कार पुरुष शत्रुगते रमेश रञ्जन झा
