'भारत' सेटबाट सलमानको लुक्स आउट

बलिउड । यतिबेला बलिउडका भाइजान सलमान खान फिल्म ‘भारत’ को छायाँकनमा व्यस्त छन् । पछिल्लो फिल्म ‘टाइगर जिन्दा है’ सफल भएपछी सलमानले यसफिल्ममा पनि अलि अब्बास जफरसँगै काम गरिरहेका छन् । सलमानले अलिसँग पहिलो पटक ‘सुल्तान’मा काम गरेका थिए । यसले पनि बलिउड बक्सअफिसमा राम्रो कलेक्सन गर्न सफल भएको थियो । यिनै सलमान फिल्मको छायाँकन त गरिरहेका छन् , साथै चिन्तित पनि छन् । किनकी सलमानले केहि नयाँ गर्दा ‘ट्युबलाइट’ मा असफल भएका थिए ।

उनले उक्त फिल्मको जिम्मा एक था टाइगर र बजरंगी भाइजान जस्ता सफल फिल्ममा संगै काम गरेका निर्देशक कबिर खानलाई दिएका थिए । सलमानको नजिकको निर्देशक मानिने अलिलाई उनले फिल्म छोट्याउन सल्लाह दिईरहेका छन् । माल्टा र अबुधाबी सेड्युल सकाएका सलमानको केहि तस्वीर सार्वजनिक भएको छ । सार्वजनिक तस्वीरमा सलमान दबंग र ट्युबलाइटको समयका देखिएका छन् , यी तस्वीर सामाजिक सञ्जालमा भाइरल समेत भइरहेका छन् । यस फिल्मलाई उनलाई विभिन्न अवतारमा देखाइने निर्देशक अलिले बताईसकेका छन् । फिल्ममा उनको अपोजिटमा कट्रिना कैफ छिन । फिल्म सन् २०१९ को इदमा रिलिज हुनेछ ।

कमेन्ट गर्नुहोस्