फिल्म । दक्षिण भारतीय सुपरस्टार प्रभास र अभिनेत्री तृप्ति डिमरी अभिनित निर्देशक सन्दीप रेड्डी वाङ्गाले आगामी फिल्म ‘स्पिरिट’ ले ‘ए रेटेड’ (१८+) दृश्यहरू समावेश गर्ने भएका छन् । यो पुलिस एक्सन थ्रिलर फिल्ममा बोल्ड र रक्तरंजित दृश्यहरूले दर्शकलाई नयाँ अनुभव दिने तयारी छ ।
पहिले यो फिल्ममा बलिउड अभिनेत्री दीपिका पादुकोण मुख्य भूमिकामा देखिने चर्चा थियो, तर हाल ‘एनिमल’ की अभिनेत्री तृप्ति डिमरीले उनको स्थान लिएकी छन् । निर्देशक वाङ्गा, जसले ‘कबीर सिंह’, ‘अर्जुन रेड्डी’ र ‘एनिमल’ जस्ता ‘ए रेटेड’ फिल्महरू निर्देशन गरिसकेका छन्, ‘स्पिरिट’ मा पनि आफ्नो सिग्नेचर शैली कायम राख्दै छन् ।
भारतीय मिडिया पिंकभिल्लाको रिपोर्टअनुसार, यो फिल्मले तेलुगु मनोरञ्जनको स्वादसहित एक्सन र बोल्ड दृश्यहरूको मिश्रण प्रस्तुत गर्नेछ । रिपोर्टमा उल्लेख छ, ‘प्रभास र तृप्तिलाई बोल्ड दृश्यहरूमा प्रस्तुत गर्न सन्दीपले तयारी गरेका छन् । एक्सन दृश्यहरूमा रगतको प्रयोगसँगै यो फिल्ममा थुप्रै बोल्ड दृश्यहरू समावेश हुनेछन् ।’
निर्देशकले प्रभास र तृप्ति दुवैलाई यी दृश्यहरूका लागि मनाएका छन् । विशेषगरी तृप्तिका लागि सेटमा आरामदायी र व्यावसायिक वातावरण सुनिश्चित गर्ने वाचा गरिएको छ ।
‘स्पिरिट’ मा कोरियाली अभिनेता डन ली (मा डोंग सेओक) लाई मुख्य भूमिकामा अनुबन्ध गर्न निर्माताहरू वार्ता गरिरहेको पुष्टि गरेको छ । टी–सिरिज र भद्रकाली पिक्चर्सद्वारा निर्मित यो फिल्म २०२५ को अक्टोबरमा छायांकन सुरु हुनेछ । ‘स्पिरिट’ ले प्रभासको स्टारडम, सन्दीपको साहसी निर्देशन र तृप्तिको नयाँ अवतारलाई जोडेर दर्शकलाई आकर्षित गर्ने अपेक्षा गरिएको छ ।
