फिल्म । नेपाली फिल्म ‘दर्पण छायाँ २’ मार्फत अभिनयमा उदाएका फिरोज तिमल्सिनाले गायनमा आफूलाई अगाडि बढाई रहेका छन्। ‘नेपाल आइडल’ र ‘द भ्वाइस अफ नेपाल’को पहिलो सिजनमा समेत काम गरेका फिरोजले ‘यो कस्तो खुशी’ बोलको गीतको भिडियो सार्वजनिक गरेका छन् । फिरोजले स्वर भरेको गीतमा शब्द मिलन पोखरेल र संगीत प्रकाश नेपालीको रहेको छ ।
पछिल्लो समय संयुक्त राज्य अमेरिकामा अध्यनको शिलशिलामा रहेका फिरोजले गायनलाई निरन्तरता दिदै यसगीतमा आफु भन्दा टाढा रहेका प्रेमिल जोडीको कथा प्रस्तुत गरेका छन् । यसको छायांकन अमेरिकाकै कोलोराडो राज्यको रमणीय दृश्यमा गरिएको छ । सार्वजनिक गीतको भिडियोमा ‘दर्पण छायाँ २’ मार्फत अभिनयमा उदाएकी अभिनेत्री सहारा कार्कीले अभिनय गरेकी छिन् ।
गीतको भिडियोमा उनलाई मनोज श्रेष्ठले साथ दिएका छन् । यस गीतलाई फिरोजले आफ्नै युट्युब च्यानलमार्फत सार्वजनिक गरेका छन् ।
