सङ्गीत। ‘११ औं म्यूजिक खबर म्यूजिक अवार्ड २०८०’ मा प्रतिष्ठित गीतकार चुडामणि देवकोटालाई दीर्घसाधना सम्मान अर्पण गरिएको छ । गीतकार देवकोटालाई नगद राशि ५१ हजार रुपैयाँसहित ‘म्यूजिक खबर दीर्घ साधना सम्मान’ अर्पण गरिएको । पाँच दशकभन्दा लामो समय गीतसंगीत, साहित्यमा जीवन समर्पण गरेवापत उहाँको योगदानको सम्मानमा म्यूजिक खबरले सम्मान अर्पण गरेको हो ।
त्यसैगरी पप सम्राट ओम बिक्रम विष्टलाई ‘म्यूजिक खबर डायस्पोरा संगति सम्मान अर्पण गरिएको थियो । नेपाल कला संस्कृति, गीत संगीत र साहित्यको श्रीबृद्धिमा विदेशमा रहेर पनि निरन्तर योगदान पु¥याएवापत उहाँलाई डायस्पोरा संगीत सम्मान अर्पण गरिएको हो । त्यसैगरी तीन दशक लामो समयदेखि गायन, संगीत र संगीत संयोजनको माध्यमले योगदान पु¥याउने अशोक कुमार राईलाई ‘म्यूजिक खबर रजत संगीत सम्मान’ अर्पण गरिएको थियो ।
‘म्यूजिक खबर दशक संगीत सम्मान’बाट दुई जना स्रष्टलाई सम्मान गरिएको थियो । लोकप्रिय गायक राजु परियार र लोकप्रिय गायिका रिता थापा मगरलाई ‘म्यूजिक खबर दशक संगीत सम्मान’बाट सम्मानित गरिएको थियो । त्यस्तै लोकप्रिय गायक, सर्जक बैकुण्ठ महतलाई ‘म्यूजिक खबर युवा प्रतिभा संगीत सम्मान’ अर्पण गरिएको थियो भने बाल गायक अशोक दर्जीलाई ‘म्यूजिक खबर बालप्रतिभा प्रोत्साहन सम्मान’ अर्पण गरिएको थियो ।
त्यस्तै तीन दशक लामो समयदेखि पत्रकारितामा क्रियाशील रहेका पत्रकार डब्बु क्षत्री र सुदर्शन प्रसाद आचार्यलाई ‘म्यूजिक खबर संगीत पत्रकारिता सम्मान’ अर्पण गरिएको थियो । उनीहरुलाई नगद राशि ५ हजार ५ सय ५५ रुपैयाँसहित सम्मान अर्पण गरिएको हो । त्यस्तै प्रवासमा रहेर पनि नेपालीहरुको सुखदुःखको सारथी बन्दै आएका व्यवसायी समाजसेवी विष्णु शाही ठकुरीलाई ‘म्यूजिक खबर सामाजिक व्यक्तित्व सम्मान’ अर्पण गरिएको थियो ।
कार्यक्रममा विभिन्न ३८ विधाका स्रष्टा, सर्जक, कलाकारहरुलाई अवार्ड प्रदान गरिएको थियो । राष्ट्रिय, पप, आधुनिक, लोकदोहोरी, चलचित्र क्षेत्रका स्रष्टा कलाकारहरुको बीचमा अवार्ड सम्पन्न भएको थियो । अवार्डमा गायक कर्ण दास र गायिका संगीता राना प्रधान उत्कृष्ट आधुनिक गायक गायिका घोषित भएका थिए । गायक कर्ण दास प्रतिक्षा गीतबाट उत्कृष्ट गायक घोषित भएका हुन् भने संगीत राना प्रधान आँसुका कथाबाट उत्कृष्ट गायिका घोषित भएकी हुन् ।
त्यस्तै लोकदोहोरी विधातर्फ गायक राजु गुरुङ र गायिका सन्जु न्यौपाने उत्कृष्ट गायक गायिका घोषित भए । डुम्रे बजार गीतबाट गायक राजु गुरुङ र लामो कपालबाट गायिका सन्जु न्यौपाने उत्कृष्ट गायक गायिका लोकदोहोरी घोषित भएका हुन् । त्यसैगरी चलचित्रतर्फ गायक राजनराज शिवाकोटी र गायिका सत्यकला राई उत्कृष्ट गायक गायिका घोषित भएका हुन् । चलचित्र प्रसाद–२ को मार्सी धान गीतबाट राजनराज शिवाकोटी उत्कृष्ट भएका हुन् भने चलचित्र काँडेतारको काँडेतार शीर्ष गीतबाट गायिका सत्यकला राई उत्कृष्ट हुन सफल भएकी हुन् ।
कार्यक्रममा मोडलद्वय नारायणी खत्री र रितु तामाङले सम्मानित स्रष्टाको गीतमा नृत्य प्रस्तुति रहेको थिए । मोडलद्वय विजय पुन र अन्जु गुरुङको समूहको नृत्य प्रस्तुति रहेको थियो । त्यस्तै गायक रामजी खाँड, गायक मौसम गुरुङ र गायिका कालिका रोका मगरले गीत प्रस्तुत गरेका थिए । त्यस्तै गायक सुरज कुमार थापाले सम्मानितहरुको ट्रिटब्यूटमा गीत प्रस्तुत गरेका थिए । कार्यक्रमको संचालन गायिका मन्जु पौडेल र पत्रकार निराजन भण्डारीले गरेका थिए ।
अवार्ड चुम्नेहरुमा सर्वोत्कृष्ट राष्ट्रिय भावको गीत एक मुठी सास –उमेश लम्साल, सर्वोत्कृष्ट पप÷लोकपप गीतकार मोहित मर्दन थापा –विहानी पख चरीले, सर्वोत्कृष्ट पप÷लोकपप संगीतकार लेखु सहयात्री –माया र मोह, सर्वोत्कृष्ट पप÷लोकपप गायक चेतन राई –तिमी धून बन, सर्वोत्कृष्ट पप÷लोकपप गायिक चाँदनी शाक्य –आकाशमा उत्कृष्ट बन्न सफल भएका छन् भने पपुलर गायक अफ दि इयर पप गीततर्फ मेरो क्रस हौ तिमी रमेशराज भट्टराईले चुम्न सफल भए ।
त्यसैगरी लोक विधातर्फ सर्वोत्कृष्ट लोकगीत गीत पुरुष विरही कार्की – एक्लै भयो पिपलु, सर्वोत्कृष्ट लोकगीत गीत महिला अन्जु श्रेष्ठ – हेरन त्यसरी कान्छा, सर्वोत्कृष्ट कल्चरल गीत गायक सागर गुरुङ – रोधीघरमा जोर मादल (सालैजो), सर्वोत्कृष्ट कल्चरल गीत गायिका सुमन थापा मगर–थर दिन्छौ र (पन्चेबाजा), सर्वोत्कृष्ट कल्चरल गीत माइली (कौरा) –मौसम गुरुङ÷पूर्णकला बिसी, सर्वोत्कृष्ट लोकदोहोरी नवप्रतिभा पुरुष सचिन भट्टराई –बनमा स्याउला छ, सर्वोत्कृष्ट लोकदोहोरी नवप्रतिभा महिला सपना सुनाम –सुन साइँली , सर्वोत्कृष्ट लोकदोहोरी मोडल महिला नारायणी खत्री –माया रैनछ, सर्वोत्कृष्ट लोकदोहोरी मोडल पुरुष विजय पुन –जुन माया, सर्वोत्कृष्ट लोकदोहोरी निर्देशक दिपेन्द्र तिमिल्सिना –घर त गैरी गाउँ, सर्वोत्कृष्ट लोकदोहोरी संगीत संयोजक डोलराज बाह्रघरे –पट्टकोके झोरा, सर्वोत्कृष्ट लोकदोहोरी सम्पादन एचबीएन किस्मत –बनमा खयर, सर्वोत्कृष्ट शब्द लोकदोहोरी रमेश परियार –बनमा खयर, सर्वोत्कृष्ट भाका लोकदोहोरी विमल परियार –कहाँको साइनो, सर्वोत्कृष्ट लोकदोहोरी गायक राजु गुरुङ –डुम्रे बजार, पपुलर गायक अफ दि इयर लोकदोहोरी सुमन परियार –मैसाफ, सर्वोत्कृष्ट गायिका लोकदोहोरी सन्जु न्यौपाने –लामो कपाल, सर्वोत्कृष्ट प्रत्यक्ष दोहोरी गायक सागर बिसी, सर्वोत्कृष्ट प्रत्यक्ष दोहोरी गायिका सिता परियारले अवार्ड चुम्न सफल भए ।
त्यस्तै चलचित्र विधातर्फ सर्वोत्कृष्ट चलचित्र गीतकार शंकर अधिकारी घायल –सिरुपाते जुँगामा (छक्कापञ्जा ४) , सर्वोत्कृष्ट चलचित्र संगीतकार बाबुल गिरी –सिरुपाते जुँगामा (छक्कापञ्जा ४) , सर्वोत्कृष्ट चलचित्र पाश्र्वगायक राजनराज शिवाकोटी –मार्सीधान (प्रसाद २), सर्वोत्कृष्ट चलचित्र पाश्र्वगायिका सत्यकला राई –काँडेतार (काँडेतार)ले अवार्ड चुम्न सफल भए ।
त्यसैगरी आधुनिक विधातर्फ सर्वोत्कृष्ट म्यूजिक भिडियो छायाँकार दुर्गा पौडेल –भीर माहुरी, सर्वोत्कृष्ट सम्पादक विष्णु खड्का –शीरफूल, सर्वोत्कृष्ट भिडियो निर्देशक पप आधुनिक बबिता श्रेष्ठ –कस्तो थिएँ, सर्वोत्कृष्ट भिडियो मोडल महिला पप आधुनिक अनिता गिरी –सम्झनामा ताजमहल, पब्लिक च्वाइस अवार्ड आधुनिक गीत मोडल सरस्वती खत्री –तिम्लाई आफ्नो ठान्नु, सर्वोत्कृष्ट म्यूजिक भिडियो मोडल पुरुष पप आधुनिक दिक्पाल कार्की –अधुरो सपना, सर्वोत्कृष्ट नवप्रतिभा पप आधुनिक पुरुष प्रचण्ड राई –दिल खोलेर कुरा गर न, सर्वोत्कृष्ट नवप्रतिभा पप आधुनिक महिला विमला गुरुङ –जूनको किरण, सर्वोत्कृष्ट युगल गायन उदय सोताङ–मनिला सोताङ –नजाउ परदेश, पब्लिक च्वाइस अवार्ड युगल गायन निमा शेर्पा–सुरक्षा सेन्चुरी –भन आज, सर्वोत्कृष्ट संगीत संयोजक आधुनिक शाहस शाक्य –आजभोलि तिम्रो मेरो, सर्वोत्कृष्ट ध्वनि मुद्रक आधुनिक विप्लव अधिकारी –एक चिम्टी सिन्दूर, सर्वोत्कृष्ट गीतकार आधुनिक डि.आर –नजाऊ परदेश, सर्वोत्कृष्ट गीतकार महिला किस्ना आचार्य रोशनी–याद, जुरी अवार्ड गीतकार महिला संचिता कर्माचार्य –प्रतिक्षा, इन्करेजमेन्ट अवार्ड गीतकार सिर्जना मञ्जरी –मेरी भूपू माया, सर्वोत्कृष्ट संगीतकार आधुनिक सुरज कुमार थापा –तिमी दुख्दा, जुरी अवार्ड संगीतकार आधुनिक सरोज कोइराला –एक चिम्टी सिन्दूर, सर्वोत्कृष्ट गायक आधुनिक कर्ण दास–प्रतिक्षा सर्वोत्कृष्ट गायिका आधुनिक संगीता राना प्रधान –आँसुका कथा सर्वाेत्कृष्ट डायस्पोरा गीतकार कुमार शिवाकोटी –भिजाएर आँसु, म्यूजिक प्रोड्यूसर अफ दि इयर सूर्य मगर– सूर्य क्रियशन प्रा.लि.ले अवार्ड चुम्न सफल भएका थिए ।
