गसिप । अहिले नेपाली फिल्म क्षेत्रमा ‘लेडी टाइगर’ को चर्चा छ । पूजा शर्मा अभिनित फिल्म ‘दान्भी’ मा उनले गरेको द्वन्द्वको कारण निर्देशकले उनलाई सो उपाधि दिए । यसले सामजिक सञ्जालमा मिश्रित प्रक्रिया पायो । फ्यान फ्लोईङ राम्रो भएता पनि पूजाले अभिनयमा चर्चा बटुल्न सकेकी छैनन् । यही चर्चाकै बीच निर्माता सन्तोष सेनले स्वस्तिमा खड्कालाई सो ‘लेडी टाइगर’ को उपाधि दिएका छन् ।
पूजालाई ‘चंखे शंखे पंखे’ र ‘प्रेम गीत’ मार्फत अवसर दिएका सन्तोषले स्वस्तिमाको फिल्म ‘बेहुली फ्रम मेघौली’ को फस्टलुक पोस्टर सार्वजनिक गर्दै ‘लेडी टाइगर’ उल्लेख गरेका हुन् ।
‘प्रेम गीत’ पश्चात पूजा र सन्तोषको सहकार्य भएको छैन । त्यस्तो त बेलाबखतमा सन्तोष पूजाको सम्बन्ध चिसिएको खबर आउने गरेको छ । यता स्वस्तिमासँग पनि पूजाको सम्बन्ध हार्दिक छैन । सोही कारण सन्तोष उक्त उपाधिसहित स्वस्तिमालाई सम्बोधन गरिनुलाई विभिन्न कोणबाट हेर्न सकिन्छ । उनले शुभेच्छा प्रकट गर्न मात्र उक्त उपाधिको प्रयोग गरेका होइनन् । किनकि पूजाको तुलनामा स्वस्तिमाले राम्रो अभिनय गरेको समीक्षकले प्रतिक्रिया दिदै आएका छन् ।
जे होस् उपाधि नै उपाधिको फिल्मनगरीमा पुनः एक पटक ‘लेडी टाइगर’ चर्चामा छ ।
