गसिप । मोडलिङमा रमाईरहेकी नीति शाहको व्यस्तता पछिल्लो फिल्ममा बढेको छ । उनी एकपछि अर्को फिल्ममा काम गरिरहेकी छिन् । मोडलिङमार्फत नोटिस भएकी नीतिलाई कुनै समय फिल्म खेलाउन निर्माताले ठूलै प्रयास गरे । अनमोल केसी, प्रदीप खड्काको जोडी बनेर फिल्ममा डेब्यु गर्न उनलाई प्रस्ताव गरियो । तर, नीतिले फिल्म खेल्न मानिनन् ।
तर, जब उनले फिल्म खेल्ने निर्णय लिईन् । उनलाई ती स्टारको फिल्म नै प्रस्ताव भएन । फलत: उनले ‘खाजुरे ब्रो’ नामक फिल्ममार्फत डेब्यु गरिन् । जुन सुखद रहेन । न त फिल्मले बक्सअफिसमा केही कमाल गर्यो, न त उनको अभिनयले नै चर्चा पायो । फिल्ममा नीति छिन् वा छैनन् ? केही चर्चा नै भएन । तर, नीति हार मान्ने पक्षमा छैनन् ।
उनले जीतु नेपालको को-स्टार भएर ‘ज्वाईं साब’ नामाक फिल्मको छायांकन सुरू गरिसकेकी छिन् । कुनै समय अनमोल र प्रदीपसँग को-स्टार बन्ने अफर अस्वीकार गरेकी नीति अहिले प्रस्ताव आएको फिल्म गर्न बाध्य छिन् । पहिलो फिल्ममार्फत गुमनाम नै भएकी नीति दोस्रो फिल्ममार्फत चर्चामा आउछिन् ? की औदिनन् ? यो भने हेर्न बाँकी छ ।
