फिल्म । गत साता सार्वजनिक भएको फिल्म ‘२ नम्बरी’ को टिजरलाई दर्शकले रुचाएका छन् । पछिल्लो समय दर्शकको रुची मापन गरिने सोसल मिडिया बनेको छ । सोसल मिडियामा फिल्मको डायलग हिट छन् । यस्तै , टिकटकमा फिल्मको संवादको लोकप्रियता बढेको छ । असोजको २१ गतेबाट रिलिज हुने ‘२ नम्बरी’को पहिलो प्रचारप्रसार सामाग्रीले नै दर्शकमााझ छुट्टै छाप छाडेको छ ।युट्युबमा १० लाख बढी भ्यूज पाइसके टिजरमा सौगात मल्ल र उपासना सिंह ठकुरीले बोलेको संवादलाई दर्शकले टिकटकमा भिडियो बनाइरहेका छन् । दीपेन्द्र लामा निर्देशित फिल्ममा दयाहाङ राई , उगेन छोदेन , पुस्कर गुरुङ , बुद्धि तामाङ लगायत मुख्य भूमिकामा छन् ।
टिकटकमा टिजरका संवादमा बनिरहेको भिडियोले दंग फिल्मका प्रस्तुतकर्ता किरण नेपाली भन्छन्,‘हामीले २ मिनेट भन्दा लामो टिजर सार्वजनिक गरेका थियौं । यसबाट नै उत्कृष्ट प्रतिक्रिया पाएका छौं । अब, टिजर भन्दा अझै बुलन्द ट्रेलर सार्वजनिक हुनेछ ।’ उनी फिल्मले हलसम्म आउने दर्शकलाई भरपुर मनोरंजन दिने बताउछन् ।
दीपक मनाङ्गे, अमलादेवी राई र जयश श्रेष्ठ निर्माता रहेको फिल्ममा सरोज नेपाली कार्यकारी निर्माता रहेका छन् । मिठु तामाङ्नी सह–निर्मात्री रहेको फिल्ममा सुशन प्रजापतिको छायांकन, निमेष श्रेष्ठको सम्पादन, जयन जे वाइवाको संगीत र रामजी लामिछानेको कोरियोग्राफी छ ।
