स्टारडम त्यागेर ‘प्रकाश’ बने प्रदीप

फिल्म । माओवादी द्वन्द्वको पृष्ठभूमिमा बनेको फिल्म ‘प्रकाश’ मा प्रदीप खड्काले शीर्ष भूमिका निर्वाह गरेका छन् । यो फिल्मको ट्रेलर एक कार्यक्रमको आयोजना गर्दै सार्वजनिक गरिएको छ । ट्रेलरमा उनले शिक्षक बन्न गरेको संघर्षलाई देखाइएको छ । शिक्षित युवा भएता पनि विधमान भ्रष्टाचारका कारण भोग्नुपरेको कठिनाइलाई उनले फिल्ममार्फत दर्शाएका छन् ।

सधैजसो चकलेटी अनुहारमा देखिने प्रदीप यसपटक आफ्नो स्टार भ्यालुलाई बिर्साएर प्रकाश चरित्रलाई पर्दामा उतार्न प्रयत्नशील छन् । फिल्ममा काम गरेपछि उनको सोच्ने शैली र बोल्ने शब्द पनि फेरिएका छन् । कुनै समय आफ्नो अभिनयको आलोचना गर्दा नराम्रो सोच्ने प्रदीपले अहिले ती शब्दको महत्व बुझेका छन् ।

‘ती सुझावहरु मप्रतिको आशा रहेछ । मैले गर्न सक्ने काम नगरेकोले म आलोचित भएको रहेछु । मसँग एक किसिमको फ्यान हुनुहुन्छ तर मैले उहाँसम्म रियल हिरोको कथाहरु लग्न सकेको रहनेछु’ प्रदीप भिन्न सुनिए । उनी आफैँले अघिल्ला चरित्र र त्यसमा गरेको मेहनत अहिले बुझेका छन् । उनले हिरो र कालकार बीचको भिन्नतालाई महसुस गर्दैछन् ।

‘म हिरो सधै बन्न सक्दिनँ । किनकि त्यो अनुसार मेन्टेन रहन नसकुँला । तर, म अभिनेता भने सधैँ बन्न सक्छु । कलाकारिता गर्न सक्छु । र, कलाकार सधैँ रहन सक्छु’ प्रदीपले भने । उनले सुरुवाती समयमा हिरो भन्ने सोचाइ नै आफूमा कसैले भरिदिएको बताउछन् । ‘तिमी चकलेटी छौँ । हिरो बन्नु पर्छ भन्ने थट म माथि थुप्रियो । म त्यहिँ अनुसार अगाडी बढे । तर त्यो सत्य होइन रहेछ’ उनले भने ।

माओवादी द्वन्द्वलाई काठमाडौंबाट नियालेता पनि उनले विभिन्न मध्यमले टाढा नरहेको बताए । ‘जसरि हामी राजनीतिबाट अछुतो छैनौँ । म पनि माओवादी युद्धबाट थिइन् । फिल्ममा झैँ समाजका कतिपय समस्याको अन्त्य सुखान्त हुँदैन । यसलाई महसुश गरेपछि मैले यो कथालाई धेरै दर्शकसम्म पुर्याउनु पर्छ भन्ने लाग्यो’ उनले भने ।

त्यसो त उनलाई हिजोको युद्धले दिन नसकेको परिणामले अर्को क्रान्ति हुन् सक्ने वाइलाइन नै मन परेको थियो । लेखक विकाश सुवेदी र निर्देशक दिनेश राउतको कथासार सुनेर उनले फिल्म गर्ने सहमति दिए । आफूले हिँडिरहेको बाटोभन्दा फरक बाटो हिँड्न उनलाई सहज थिएन ।

कुनै समय उनलाई फिल्मको चरित्रलाई न्याय गर्न सक्दिन कि ? भन्ने नलागेको पनि होइन । तर निर्देशक राउतकै कारण उनी फिल्ममा छन् । उनले फिल्मको तयारीका लागि अनुप बरालका अभिनय र शारीरिक हाउभाउका कुरा सिकेकोदेखि जुम्लाको चरित्रमा डुब्न खाली खुट्टा हिँडेकोसम्म अनुभव सुनाएका थिए ।

निर्देशक राउतले प्रदीपले फिल्ममा प्रशस्त मेहनत गरेको बताउँदै फिल्मले कर्णालीको जनजीवनलाई रसिलो गरी प्रस्तुत गर्ने प्रयास गरेको बताए । दिया मास्केले ‘प्रकाश’मा आफूले निर्वाह गरेको चरित्र अहिलेसम्मकै गाह्रो चरित्र भएको बताउँदै निर्देशक राउतको प्रशंसा गरेकी थिइन् ।

थिएटरको पृष्ठभूमिबाट आएकी रेनु योगीको यो पहिलो फिल्म हो । फिल्ममा उनले प्रदीपको जोडी भएर अभिनय गरेकी छिन् । फिल्म भदौ १० मा प्रदर्शन हुँदैछ ।

कमेन्ट गर्नुहोस्