फिल्म । गत डिसेम्बरमा रिलिज भएको फिल्म ‘पुष्पा’ को हिन्दी भर्सनले पनि उत्तिकै राम्रो व्यापार गर्यो । हिन्दी भाषामा मात्र ८५ करोडको आसपासमा व्यापार गरेपछि यतिबेला अल्लु अर्जुनको क्रेज बलिउड दर्शक माँझ पनि बढेको अनुमान सहजै लगाउन सकिन्छ । पुरानो शैलीमा बनेको मसाला फिल्मलाई रुचाएपछि हिन्दी भाषामै फिल्म ‘अल्ला वैकुण्ठपुरामलो’ रिलिज गर्ने भएको छ ।
आउँदो जनवरी २६ तारिखमा हिन्दी भाषामा फिल्म चल्ने हलहरुमा अल्लु अर्जुनओ यो फिल्म प्रदर्शन गरिनेछ । फिल्ममा अल्लुसँगै पुजा हेगड़े , तब्बु लगायतको अभिनय रहेको छ । गत वर्ष सन् २०२० को जनवरी १२ मा रिलिज भएको फिल्मले राम्रो व्यापार गरेको थियो । साथै , अल्लुका फ्यानले निकै रुचाएका थिए । यो फिल्म विशेषत युट्युबमा रिलिज गर्ने तयारी गरिएको थियो ।
यद्दपी ‘अला वैकुण्ठपुरामलो’ को हिन्दी रीमेक फिल्म ‘शेह्जादा’ बनिरहेकाले निर्माण पक्षले आग्रह सहित केहि रकम दिएपछि गोल्डमाइनस टेलिभिजनका मनिष शाहले युट्युबको सट्टा हलमा रिलिज गर्ने तयारी थालेका हुन् । शेह्जादा रिलिज भएको १६ हप्तापछि ‘अला वैकुण्ठपुरामलो’ हिन्दी भाषामा युट्युबमा रिलिज हुनेछ ।
