संगीत । गायिका सिर्जना कार्कीको नयाँ गीत सार्वजनिक भएको छ । गायिका कार्की स्वयंको शब्द, संगीत, स्वर र प्रस्तुति रहेको गीत गत शुक्रबार युट्युबमार्फत् सार्वजनिक गरिएको हो । प्रेम र वियोगमा आधारित ‘फक्रिन नसकेको फूल’ बोल रहेको गीतको भिडियोमा स्वयम् कार्कीको अभिनय रहेको छ । कार्कीलाइ अभिनयमा मोडल जीवन जङ्ग थापाले साथ दिएका छन् ।
प्रविन लिम्बूले छायांकन गरेको भिडियोमा मिलन विक्रम शाहको सम्पादन रहेको छ भने यसलाई भीम मगरले निर्देशन गरेका हुन् । नयाँ गीतमार्फत् दर्शकलाई फरक स्वाद दिन खोजेकी कार्कीले दर्शक तथा श्रोताले रुचाउने विश्वास व्यक्त गरिन् । उनको ‘मनको राजा’, ‘रोजेको मैले’ लगायत गीत चर्चित छन्।
कमेन्ट गर्नुहोस्
