फिल्म । शाहरुख खान बलिउडमा ‘बादशाह’ को उपनामले पनि परिचित छन् । पछिल्लो समय असफलताको कडीमा रहेका शाहरुखले दशक अगाडी राज गरेका थिए । यिनै शाहरुखको बस्ने घर हो ‘मन्नत’ । समुन्द्र छेउको शाहरूखको यो घर आज एउटा महँगो सम्पतिमा पर्छ । यो घरका शाहरूखले मूल्य राम्रै तिरेर किनेका थिए । आफ्नै घर होस् भन्ने प्रार्थना र आफ्नो कडा मेहेनतको नतिजा भएकाले शाहरूखले सो घरको नाम ‘मन्नत’ जुराएका हुन् । शाहरूखका प्रिय वस्तुमा यो घर पनि पर्छ ।
30 saal ki mehnat mein padega. https://t.co/Y3qfb7IMdk
— Shah Rukh Khan (@iamsrk) January 22, 2020
आजको बजारभाउ अनुसार भने शाहरूखको यो घरको मूल्य २०० करोड भारु पर्छ । यस्तोमा स्वाभाविक जिज्ञासा उठ्न सक्छ यो घरको कोठा भाडामा उपलब्ध भए भाडा कति पर्ला ? शाहरूखसमक्ष एक ट्वीटर प्रयोगकर्ताले यही जिज्ञासा राखेपछि शाहरूखले त्यसको जवाफ दिएका छन् । शाहरूखले त्यसका लागि ‘३० वर्षको मेहेनत पर्ने’ जवाफ फर्काएका छन् । यसको अर्थ यसका लागि कडा मेहेनत गर्नुपर्छ भन्ने पनि हो । शाहरूखले ‘मन्नत’ सन् २००१ मा १३.३२ करोड भारूमा किनेका हुन्। (एजेन्सी)
