फिल्म । कम्दी फिल्म बनाउन माहिर मानिने निर्देशक प्रियादर्शनले निर्देशनमा कमब्याक गर्ने भएका छन् । मलयालम फिल्म मार्फत अभिनेतासंगै लेखक बनेर फिल्मी जगतमा आइपुगेका प्रियादर्शनले मलयालम , तमिल , तेलुगु र हिन्दी भाषाको फिल्म निर्देशन गरेका छन् । पछिल्लो समय बलिउड भन्दा पनि मलयालम र तमिल फिल्ममा व्यस्त उनले आफ्नो सफल फिल्म ‘हंगामा’ को सिक्वेल ल्याउने भएका छन् ।
सन् २००३ मा प्रदर्शन भएको फिल्म ‘हंगामा’ ले राम्रो व्यापार गरेको थियो । यसैले पनि यसको सिक्वेलले दर्शकलाई तान्ने सम्भावना बढ्दो छ । ‘हंगामा २’ नाम राखेर बनाउन लागिएको यो फिल्मलाइ रतन जैनले निर्माण गर्दैछन् । सन् २०२० को अगष्ट १४ मा रिलिज गर्ने घोषणा गरिएको फिल्ममा शिल्पा सेट्टी , पारेश रावल ,मेजान जाफ्री , प्रनिथा सुवास लगायतको अभिनय रहने छ । ‘कन्फ्यूजन अनलिमिटेड’ स्लोगन रखिएको फिल्ममा भरपुर कमेडी हुनेछ ।
