फिल्म । पछिल्लो फिल्म ‘कबिर सिंह’ को सफलताले बलिउडमा आफ्नो स्टारडमलाई शहिद कपूरले प्रस्ट्याईसकेका छन् । बलियो कथालाई न्याय गर्न सक्ने संकेत उनले देखाएका छन् । उनको पछिल्लो रिलिज फिल्म ‘कबिर सिंह’ ले पाएको सफलताले मात्र होइन , उनको अभिनय क्षमताको कारण चर्चा बढ्दो छ । कबिर सिंहलाई जीवन्त बनाउन शहिदले कुनै कसर बाँकी राखेका छैनन् ।
उनले आफुलाई प्रस्तुत गरेको भूमिकाकै कारण यतिबेला शाहिद फेरी छाएका छन् । पछिल्लो समय कमिने र हैदर जस्ता फिल्म मार्फत बलिउडमा आफ्नो दबदबा कायम गरेका शाहिदले नयाँ उपनाम कबिर सिंह पाएका छन् । शाहिदको प्रस्तुति देखेरै यतिबेला उनलाई साउथको फिल्म ‘जर्सी’ को रिमेकमा अफर गरिएको छ । शहिदले पनि फिल्ममा अभिनय गर्ने सहमति जनाईसकेका छन् ।
फिल्ममा शहिद एक क्रिकेटरको भूमिकामा देखिनेछन् । स्वास्थ्यमा समस्या आउँदा र नातावादसँगै कृपावादको कारण नेशनल टिममा नपर्दा क्रिकेट छाडेका अर्जुन नामक क्यारेक्टरले उमेरले ४० वर्ष काट्नै लाग्दा क्रिकेट खेल्छन । त्यसपछि उनि नेशनल टिमसम्म कसरि पुग्छन ? भन्ने विषयलाई फिल्ममा देखाइनेछ । उनको को-स्टारको रुपमा मृनाल ठाकुर हुनेछिन् । फिल्मका लागि सुरुवात रश्मिका मन्दना रहने चर्चा भएता पनि उनले अफर स्विकरिनन । त्यसैले अब शाहिदको जोडीको रुपमा रहनेछिन मृनाल । उनले सुपर ३० र बाट्ला हाउस जस्ता फिल्ममा काम गरिसकेकी छिन् । जर्सीकै निर्देशक गौतमले यसमा गर्नेछन् । फिल्म आउँदो वर्ष सन् २०२० को अगस्ट २८ मा रिलिज हुनेछ । (एजेन्सी)
