फिल्म । भारतीय कमेडी फिल्म ‘हाउसफूल ५’ ले नेपालको बक्सअफिसमा सुखद शुरुआत गरेको छ । जुन ६, २०२५ मा रिलिज भएको यो फिल्मले पहिलो सप्ताहन्त (शुक्रबारदेखि आइतबारसम्म) २ करोड १५ लाख ग्रस कमाइ गर्न सफल भएको नेपाल सरकारको आधिकारिक बक्सअफिस तथ्याङ्क छ ।
अक्षय कुमार, रितेश देशमुख, अभिषेक बच्चन, ज्याकी श्राफ, नाना पाटेकरलगायतको स्टारडमले सजिएको यो फिल्म दुई फरक क्लाइमेक्स (हाउसफूल ५ए र ५बी) सहित विश्वभर प्रदर्शनमा आएको छ । निर्देशक तरुण मानसुखानीले यो फिल्मलाई ‘कमेडी र थ्रिलर’को अनुपम मिश्रणका रूपमा प्रस्तुत गरेका छन्, जसले दर्शकलाई हँसाउने र रोमाञ्चित बनाउने दुवै काम गरेको छ ।
यद्यपि, फिल्मको यो सुरुवाती सफलताले दीर्घकालीन बक्सअफिस यात्रालाई कायम राख्न सक्छ कि सक्दैन, त्यो भने हेर्न बाँकी छ । नेपालमा बलिउड फिल्मको क्रेज र अक्षय कुमारको ठूलो फ्यान फलोइङलाई ध्यान दिँदा ‘हाउसफूल ५’ले थप कमाइ गर्ने सम्भावना बलियो देखिन्छ ।
