देशैभर तापक्रम घट्यो

50 Shares

देश । केहि दिन यता काठमाडौं उपत्यकासहित मुलुकभर चिसो बढेको छ । दसैंअघिसम्म मुलुकका अधिकांश भागमा गर्मी महसुस भएपनि दसैंपछी तापक्रम घटेर चिसो हुन थालेको हो । जल तथा मौसम विज्ञान विभागको मौसम पूर्वानुमान महाशाखाका अनुसार आइतबार काठमाडौंको न्यूनतम तापक्रम ८ र अधिकतम तापक्रम २५.५ डिग्री सेल्सियस छ ।

आइतबार सबभन्दा कम जुम्लामा न्यूनतम तापक्रम ०.७ र अधिकतम तापक्रम १९.६ डिग्री सेल्सियस तथा सबभन्दा बढी विराटनगरमा न्यूनतम तापक्रम १८ डिग्री र अधिकतम तापक्रम ३२.५ डिग्री सेल्सियस छ । विहान र साँझको समयमा चिसो लागेता पनि दिउँसोको समयमा भने तापक्रम खासै घटेको छैन । वीरेन्द्रनगरको न्यूनतम तापक्रम ९.७ र अधिकम तापक्रम २९ डिग्री, सिमराको न्यूनतम तापक्रम १४ र अधिकतम तापक्रम ३३.५ डिग्री सेल्सियस, दाङको न्यूनतम तापक्रम ११.५ डिग्री र अधिकतम तापक्रम २९.४ डिग्री सेल्सियस मापन गरिएको छ । धनकुटाको न्यूनतम तापक्रम १२.८ र अधिकतम तापक्रम २६.१ डिग्री सेल्सियस तथापोखराको न्यूनतम तापक्रम १२.२ र अधिकतम तापक्रम २६.५ डिग्री छ। न्यूनतम तापक्रम अझै घटदै जाने आँकलन महाशाखाको छ ।

Facebook Comments