शो लिएर आउदैछन् कपिल , तर सुनिल ?

जयहोस् । टेलिभिजनमा कमेडियनको रुपमा निकै चर्चा कमाएका कपिल शर्मा पछिल्लो समय भने हराएका झैँ छन् । केहि समय अगाडी अस्ट्रेलियामा शो सकेर फर्किदै गर्दा आफ्नै सहकर्मी सुनिल ग्रोभरलाई दुर्व्यवहार गरेको भन्दै आलोचित बनेका कपिल त्यसयता राइज गर्न सकेका छैनन् । त्यसपछी उनले शो लाई बन्द गर्दै र केहि समयपछी सुरु गर्दै आइरहेका छन् । तर उनले त्यो सफलता पाउन सकेका छैनन् । उनको शो मा सुनिल नआएपछि यतिबेला सुनिल र कपिल दुवै लोकप्रियताको मिटरमा ओरालो लागिरहेका छन् । केहि समय यता डिप्रेसनमा रहेको खबरमा समेत आइरहेका कपिलले ट्विटर मार्फत आफुले पुनः ‘द कपिल शर्मा शो’ ल्याउने तयारी पुरा गरेको जानकारी दिएका छन् । बलिउडका सुपरस्टार सलमान खानको शो ‘दसका दम’ आएपछि कपिलले टाटा बाई बाइ भनेका थिए । यिनै कपिलले ट्विट गर्दै शो बारे जानकारी दिएका छन् ।

Jalad wapas aa raha hoon ‘The Kapil Sharma Show’ lekar aap ke liye sirf @SonyTV par. @TataSky subscribers Sony TV ka mazza without any additional cost lijiye, Abhi call kariye 18002086633 or email contact@tatasky.com

— KAPIL (@KapilSharmaK9) October 6, 2018

उनले शो सोनी टेलिभिजनमा नै प्रसारण हुने समेत लेखेका छन् । उनको शो दिपावलीबाट टिभीमा आउने समेत बुझिएको छ । आफ्नै मेहनतले स्टार बनेका कपिल , आफ्नै हर्कतले साख गुमाउने सेलिब्रेटीमा पर्छन । तर यसपटक नयाँ सोचका साथ् शो ल्याउन लागेका कपिलको लोकप्रियता कतिको बढ्छ ? यो भने आउने दिनले नै बताउनेछन् । साथै उनको शो मा फेरी सुनिल आउछन त ? यसको चर्चा पनि पछिल्लो समय बढ्दो छ ।