फिल्म । नेपाली राष्ट्रीय महिला फुटवल टिमकी कप्तान तथा गोलरक्षक अञ्जिला तुम्बापो सुब्बाको जीवनीमा आधारित फिल्म ‘अञ्जिला’ सातौँ हप्तामा प्रदर्शनरत छ । फिल्मले आउँदो वैशाख १९ मा प्रदर्शनको ५१ औँ दिन पुरा गर्ने छ । मिलन चाम्सको निर्देशनमा तयार भएको फिल्म गएको वर्ष होलीलाई लक्षित गर्दै प्रदर्शन भएको थियो । फिल्मको प्रदर्शन अगाडि नै ‘अञ्जिलाको आफ्नै घर’ अभियान चलाइएको थियो ।
यसकारण पनि फिल्म सफल भएकाले घ कहिले बन्छ ? वा के हुँदैछ भन्ने जिज्ञासा हुनु स्वाभाविक नै हो । निर्देशक चाम्स र निर्माता प्रेमकुमार श्रेष्ठले ५१ औँ दिनको खुसियाली साट्दा घरबारे जानकारी दिने बताएका छन् । निर्देशक चाम्सले निर्माता प्रेमकुमार श्रेष्ठले कप्तान सुब्बा घर तथा जग्गा हेरिरहेको बताए । उनले भने,‘हामी अहिले विभिन्न स्थान जग्गा तथा घर हेर्ने काम गरिरहेका छौँ । कप्तान सुब्बालाई अनुकुल हुने स्थानमा जग्गा हेरिरहेका छौँ । ५१ औँ दिन पुगेको उपलक्ष्यमा कप्तान सुब्बाको बारेमा जानकारी दिन हामी प्रयासरत छौँ ।’
उनले कप्तान सुब्बाले एकेडेमी शैलीमा घर बनाउने इच्छा जाहेर गरेकाले त्यहि प्रकृतिको घर पाइएमा घर नै लिने नत्र जग्गा किनेर घर बनाउने बताए । कप्तान सुब्बाले आफू जस्तै खेल प्रति समर्पितलाई सहायोग गर्न पाइओस् भन्ने इच्छा मिडियामा व्यक्त गरिसकेकी छिन् ।
यस अन्तर्गत नेपालबाहिर हङकङ, बेलायत र दक्षिण कोरियामा ‘प्रिमियर’ समेत गरिएको थियो । उक्त स्थानबाट समेत कप्तान सुब्बाको घर निर्माण गर्न राम्रो रकम सङ्कलन भएको छ । यसमा कप्तान सुब्बासँगै दयाहाङ राई, माओत्से गुरुङ, सिर्जना सुब्बा, विजय बराल लगायतका कलाकारले अभिनय गरेका छन् । फिल्म ‘अञ्जिला’ ले देशभर ५२ शोज पाएको छ, जुन सातौँ हप्तामा उल्लेख्य हो ।
