फिल्म । आज शीतलनिवासमा चलचित्र विकास बोर्डद्वारा आयोजित ‘राष्ट्रिय चलचित्र पुरस्कार २०८० तथा दीर्घसाधना सम्मान कार्यक्रम’ सम्पन्न भएको छ । कार्यक्रममा उपस्थित हुनुभएका राष्ट्रपति रामचन्द्र पौडेलले नेपालको प्रकृति र संस्कृतिलाई आधुनिक प्रविधि, उपकरणको प्रवन्ध गरी गुणस्तरीय र अन्तर्राष्ट्रिय जगतमा प्रतिस्पर्धा गर्न सक्ने गरी पर्दामा उत्रारेर चलचित्र उद्योगलाई नेपालको पर्यटन उद्योगसंँग जोड्न आग्रह गरेका छन् ।
साे क्रममा राष्ट्रपति पाैडेलले ‘दीर्घ साधना सम्मान’बाट अभिनेत्री चैत्यदेवी सिंहलाई तीन लाख ७५ हजार सहित प्रमाणपत्र प्रदान गरे । नेपालको पहिलो चलचित्र ‘आमा’ मा अभिनय गर्नुभएकी अभिनेत्री सिंहले पाएको सम्मानले नयाँ उत्साह थपेको बताइन ।
उनले भनिन्,‘मैले अभिनय सुरू गरेको समयको सङघर्षको फल अहिले पाएको आभाष भएको छ । जुन क्षेत्रमा जीवन समर्पण गरेको छु, त्यहाँ सम्मानित हुन् पाउँदाको खुसी शब्दमा व्यक्त गर्न सक्दिन । यो मेरो जीवनको ठूलो उपलब्धी हो ।’
