फिल्म । बलिउडमा पछिल्लो समय नयाँ स्टारको रुपमा कार्तिक आर्यन उदाएका छन् । पछिल्लो फिल्म ‘भूल भुलैया ३’ सय करोड क्लबमा प्रवेश गरेसँगै उनको पछिल्लो फिल्मको तुलनामा पहिलो दिन व्यापार गर्ने आकडामा पनि उछाल आएको छ ।
कार्तिकको फिल्मले पहिलो दिन ३५.५ करोड कमाई गरेको छ । यो उनको अहिलेसम्मको सर्वाधिक कमाई हो । उनको ‘भूल भुलैया २’ ले १४ करोड ११ लाख, ‘लभ आजकल’ ले १२ करोड ४० लाख, ‘सत्य प्रेमकी कथा’ले ९ करोड २५ लाख, ‘पति पत्नी और वोह’ ले ९ करोड १० लाखको व्यापार पहिलो दिनमा गर्न सफल भएको थियो ।
‘भूल भुलैया ३’ को पहिलो दिनको व्यापार कार्तिकको जीवनको सर्वाधिक हो । फिल्मले दोस्रो दिन ३८ करोड ४० लाख करोड र तेस्रो दिन ३५ करोड २० लाख कमाएको थियो । १ सय ५० करोडको लगानीमा बनेको यो फिल्म कार्तिक आर्यनको अहिलेसम्मकै ब्लकबस्टर बन्ने देखिएको छ ।
अनिस बज्मीले निर्देशन गरेको फिल्ममा माधुरी दीक्षित, विद्या वालन, राजपाल यादव, तृप्ति दिमरी, विजय राज, संजय मिश्रा लगायतका कलाकारको अभिनय रहेको छ ।
