फिल्म । नायक विल्सन विक्रम राई नयाँ फिल्म ‘ज्वाइँ साब’मा काम गर्ने पक्का भएको छ । निर्माणपक्षले दिएको जानकारी अनुसार, फिल्ममा विल्सनको भूमिका पावरफूल छ । राजकुमार पण्डितको प्रस्तुतिमा रेड आई फिल्मस्ले ओएसआर डिजिटल र मौसम फिल्मस्को सहकार्यमा निर्माण गर्न लागेको यो फिल्मलाई बसन्त निरौलाले निर्देशन गर्दैछन् ।
यो फिल्ममा जितु नेपाल, नीति शाह, हिमेश पन्त फाइनल भइसकेका छन् । विल्सन पनि फिल्ममा अनुवन्धित भएपछि यसपटक दर्शकले कमेडीको भरपुर आनन्द यो फिल्ममा लिन पाउनेछन् भन्ने अनुमान लगाउन सकिन्छ ।
मिनादेवी खड्का, सौगात पण्डित र पदम तामाङको लगानी रहेको फिल्मका कार्यकारी निर्माता विजय बस्याल हुन् । फिल्ममा सविन अधिकारीको कथा, शंकर धितालको पटकथा तथा संवाद छ ।
कमेन्ट गर्नुहोस्
