फिल्म । ‘हेल्लो जिन्दगी’ फिल्ममा समावेश रोमान्टिक गीत सार्वजनिक भएको छ । आउँदो चैत्र ११ गतेलाई प्रदर्शन मिती तय गरेको फिल्मको ‘कता कता’ बोलको गीत सार्वजनिक गरिएको हो । सार्वजनिक गीतमा निर्देशक एभेरेष्ट सुर्य बोहोराको शब्द , एलिश कार्कीको संगीत तथा प्रताप दास र प्रविशा अधिकारीको स्वर रहेको छ । सार्वजनिक गीतमा लिड अभिनेता बिक्रम जोशी र अभिनेत्री दीपिका प्रसाइँ फिचर्ड छन् ।
गीतलाई लण्डनका सुन्दर दृश्यहरुमा खिचिएको छ । गीतको कोरियोग्राफी विष्णु देभाको छ । पुरुषोत्तम प्रधानले छायांकन गरेको यो फिल्ममा सम्पादन मित्र डि. गुरुङको छ । बिक्रम र दीपिकासँगै प्रियंका कार्की,विक्रान्त बस्नेत, विल्सनबिक्रम राई, निर्देशक बोहरालगायत लिड अभिनयमा रहेको फिल्मलाई आर आर फिल्मस् ले वितरणको जिम्मा लिएको छ । बोहराकै लेखन रहेको फिल्मलाई सिर्जना जोशी, हिरल जोशी र बिक्रम डि. जोशीले निर्माण गरेका हुन् । सुदिप कुवंर र एलिश अधिकारी मुख्य सहायक निर्देशक छन् ।
