संगीत । नेपाली सांगीतिक क्षेत्रका चम्किला तारा राजनराज सिवाकोटी र एलिना चौहानले नयाँ म्युजिक भिडिओ सार्वजनिक गरेका छन् । गीतकार, संगीतकार तथा गायक राजनराज र गायिका एलिनाको ‘जाउँ माया जाउँ’ बोलको नयाँ म्युजिक भिडिओ सोमबार सार्वजनिक गरिएको हो ।
सार्वजनिक गीतमा राजराजन र एलिनाको स्वर तथा राजनराजकै शब्द सृजना र संगीत रहेको छ । सो गीतको भिडिओलाई नितिन चन्दले निर्देशन गरेका हुन् । विशाल महराले कोरियोग्राफी गरेका छन् । विशाल र नितिनले नायिका आँचल शर्मा, जीपी शाह र हर्ष तण्डुकारलाई अभिनय गराउँदै नचाएका छन् ।
प्रेमभाव रहेको सो गीतमा शहरको सुख सुविधालाई त्यागेर गाउँघरमा जाने प्रसङ्गलाई कलात्मक रुपमा प्रेमभावलाई दर्शाइएको छ । प्रेमी र प्रेमिकाबीच आफ्नो मायालाई जीवन्त प्रदान गर्न शहरको सुख सुविधालाई त्यागेर गाउँको दुःखदायी अवस्थालाई स्वीकार्ने गरी फर्केन विषयलाई मार्मिक रुपमा शब्द र अभिनयमा उतारिएको गीत र भिडिओमा सुन्न र देखिन सकिन्छ ।
