फिल्म । बलिउडमा छोटा समयमा आफुलाई स्थापित गर्न सफल भएका अभिनेता हुन् , टाइगर श्राफ । डेब्यु फिल्म ‘हिरोपन्ती’ मै डान्स र एक्सनको कारण नोटिस भएका टाइगर पछिल्लो समय उदाउदै गरेका स्टार हुन् । मेकर्स उनलाई सोलो हिरो लिएर फिल्म बनाउने हिम्मत बलिउडमा देखाईसकेका छन् । यिनै टाइगरको प्रेमिका हुन् , दिशा पटानी ।
बेलाबखतमा यी दुइको ब्रेकअपको खबर पनि आउने गरेको छ । तर , पछिल्लो समय कोरोना भाइरस (कोभिड १९) को कारण भइरहेको लकडाउनले यी दुइको सम्बन्ध प्रस्ट्याएका छन् । टाइगरकी बहिनी कृष्ण श्राफले केहि तस्बिर तथा भिडियो समाजिक सञ्जालमा पोस्ट गरिन् । जहाँ टाइगर र दिशासँगै देखिए । लकडाउनको समयमा प्राय सेलेब्स आ-आफ्नै घरमा छन् ।
यस सम्बन्धमा कृष्णले मिडियासँग पनि कुरा गरेकी छन् । ‘यी दुइ एक अर्कालाई माया गर्छन् , त्यसैले बुझ्नु जरुरी छ । उनिहरु सँगै छन्’ कृष्णले भनिन् । कृष्णको भनाइले टाइगर र दिशाको प्रेम स्टाटस दर्साउछ । (एजेन्सी)
