संगीत । पछिल्लो समय नेपाली फिल्मका उम्दा स्टारमा पर्छन् , पल शाह र प्रदीप खड्का । युवापुस्ता माँझ लोकप्रिय यी स्टारलाइ केहि फिल्मका निर्माता तथा निर्देशकलै स्क्रिन शेयर गर्ने अफर नदिएका हैनन् , तर त्यो अहिलेसम्म सम्भव भएको छैन । यद्दपी यी दुइ स्टार एकै भिडियोमा भने देखिएका छन् । प्रभु बैंकका सिइओ अशोक शेरचनको गीत रचनामा ‘सुनौलो विहानी फर्किनेछ’ तयार पारिएको छ । जहाँ विविध कलाकारसँगै प्रदीप र पल पनि देखिएका हुन् ।
यद्दपी यी दुइ एकै फ्रेममा भने देखिएका छैनन् । लकडाउनकै समयमा तयार पारिएको गीतमा आ-आफु रहेको स्थानबाट गीतको लागि भिडियो दिइएको हो । नितिन चन्दले निर्देशन गरेको भिडियोमा कोरोना भाइरसका कारण जताततै निराशा छाएको र मुलुक लडडाउन भएको बेला आशा जगाउने भाव छ । गीतमा सत्यराज आचार्य, स्वरुपराज आचार्य, प्रताप दास, प्रविशा आधिकारीको स्वर रहेको छ । गायन टिम पनि भिडियोमा फिचर्ड छन् ।
भिडियोमा अभिनेत्री कृष्टिना गुरुङ र निर्माता/निर्देशक सन्तोष सेन पनि देखिएका छन् । भिडियोमा मुस्कान वाग्ले, पवन श्रेष्ठ, सपन श्रेष्ठ, सुन्दिरा अवाले, शम्भु चालिसेको फेस पोर्टेट मार्फत उतारिएको छ । एलिश कार्की र प्रमोद निर्वानको संगीत रहेको गीतमा शैलेन्द्र एम प्रधानले म्युजिक एरेन्ज गरेका छन् । भिडियोमा रुपेश थापा, विजय भण्डारी, दिपेश उपाध्याय, भण्डारी र उपाध्यायको छायांकन रहेको छ ।
