फिल्म । पछिल्लो समय बलिउडमा टाइगर श्राफ एकपछि अर्को सफलता मार्फत अगाडी बढिरहेका छन् । ‘हिरोपन्ती’ डेब्यु अभिनेता टाइगरलाई ‘बागी’ सिरिजले स्थापित बनायो । उनले अभिनय गरेको फिल्म ‘बागी’ सलमान खान अभिनित फिल्मको रीमेक थियो । पछिल्लो समय बडी र एक्सन मार्फत फ्यानको मनमा स्थान बनाउन थालेका टाइगरको तुलना सलमानसँग पनि भइरहेको छ ।
फिटनेसको कुरामा सलमान र टाइगर अगाडी आउने गरेका छन् । आफ्नो तुलना सलमानसँग भएपछी टाइगरले यस विषयमा बोलेका छन् । टाइगरले सलमानलाई बलिउडको ‘शेर’ भनेका छन् । ‘मेरो तुलना सलमान सरसँग हुनु ठिक हैन , म बच्चा हुँ भने उहाँ शेर हुनुहुन्छ । त्यसैले तुलना नै हुदैन । मलाइ लाग्छ सलमान सरको ब्रासलेटको पेज मात्र पनि बनाउने हो भने सोसल मिडियामा मेरो भन्दा बढी फलोअर्स हुन्छ’ टाइगरले एक अन्तर्वार्तामा भने ।
टाइगर आफ्नो आइडलको रुपमा ऋतिक रोशनसँगै सलमानलाई पनि उत्तिकै मान्छन । टाइगरको ‘बागी ३’ पछिल्लो समय प्रदर्शनमा आएको थियो । अब उनले डेब्यु फिल्म ‘हिरोपन्ती’ को सिक्वेलमा काम गर्नेछन् । पछिल्लो समय कोरोना भाइरसको संक्रमण भारतमा पनि बढेपछी टाइगरले विश्राम लिईरहेका छन् । त्यसो त उनले कामबाट विश्राम लिएपनि आफ्नो फिटनेसलाई भने घरमै वर्कवाउट गरिरहेका छन् । (एजेन्सी)
