देश । पछिल्लो समय कोरोना भाइरसले गर्दा नेपालमा पनि उत्तिकै त्रास फैलिएको छ । कोरोनाकै कारण उपत्यकामा मान्छे कम भैसकेको छन् भने संचालित केहि कम्पनिमा पनि आलोपालो सिस्टम समेत लगाईएको छ । विधार्थीको चाप बढी भएको भन्दै चैत्रको पहिलो साता भित्र स्कुललाई परिक्षा सक्न सम्बन्धित शिक्षा मन्त्रालयले निर्देशन दिईसकेको छ ।
यसैबीच सी परिक्षालाई लिएर भईरहेको भ्रामक हल्लाको विषयमा शिक्षा मन्त्रालयका प्रवक्ता दीपक शर्माले प्रेस विज्ञप्ति नै जारी गरेका छन् । शिक्षा, विज्ञान तथा प्रविधिमन्त्री गिरिराजमणि पोखरेलले विद्यार्थी र अभिभावकहरूलाई हल्लाका पछि नलाग्न आह्वान गरेका छन् । ‘सरकारले सम्भावित परिस्थितिलाई गम्भीर ढंगले विश्लेषण गरेको र नेपालमा आजसम्म उल्लेख्य घटना नभएको कारण मन्त्रालयले चालू शैक्षिक सत्रको परीक्षा लिन निर्देशन दिएअनुसार कक्षा १–९ को परीक्षा र एसईई परीक्षा पूर्वनिर्धारित तालिकाअनुसार हुनेछ’ मन्त्री पोखरेलले भने ।
सरकारले कोरोना भाइरस (कोभिड–१९)को विषयलाई उपप्रधानमन्त्री संयोकत्वमा विशेष समिति र मुख्य सचिवको संयोजकत्वमा कार्यटोली गठन गरेको छ । कोरोना भाइरसबारे समाजलाई सचेत तुल्याउन जरुरी रहेको उल्लेख गर्दै मन्त्री पोखरेलले भने, ‘५६ लाख विद्यार्थीलाई सचेत तुल्याएर उनीहरुको शैक्षिक भविष्य गुज्रिन नदिन सबै पक्षले सकारात्मक भूमिका हुन जरुरी छ।’
