फिल्म । अन्तत काजीको मैया अर्थात् सोल्टिनी रील लाइफ झैँ रियल लाइफमा पनि विवाह बन्धनमा बाधिएकी छिन् । रील लाइफमा काजीलाई छाडेर अरुसँग प्रेम गरेर भागेकी मैयाले रियल लाइफमा पारिवारीक सहमतिमा विवाह गरेकी छिन । अर्थात उनले यो प्रेमको महिनालाई सदुपयोग गर्दै लगनगाँठो कसेकी छिन् । उनले शुक्रवार पोखरामा प्रेमी सन्दिप गुरुङसँग लगनगाँठो कसेकी हुन् । दुलहा र दुलही पक्षका परिवारको मात्र उपस्थितिमा कसिएको लगनगाँठोपछी रिश्मा फिल्म क्षेत्रबाट टाढिने भएकी छिन् ।
रिश्माले ‘कबड्डी’ मा प्रमुख भूमिका निर्वाह गरेकी छिन । त्यसपछि उनलाई काजीको मैया भनेर पनि फिल्म प्रेमी माँझ चिनिने गरेकी छिन । केही गुरुङ फिल्ममा पनि अभिनय गरेकी रिश्माले फिल्म नगर्ने भएपछी अब काजीको मैया फिल्ममा बन्ने सम्भावना लगभग सकिएको छ । यद्दपी उनको अन्तिम फिल्म कबड्डीको चौथो सिरिजमा देखिने सम्भावना बढेको छ ।
