जयहोस् । नयाँ शक्ति पार्टी , नेपालका संयोजक तथा पूर्वप्रधानमन्त्री बाबुराम भट्टराईले आफ्नी पत्नी हिसिला यमी सहित फिल्म ‘जय भोले’ हेरेका छन् । शनिवार काठमाडौँ सुनधारास्थित सिभिल मलमा रहेको क्युएफएक्स हलमा फिल्म हेरेका हुन् । गत असोज ३० बाट प्रदर्शनमा आएको फिल्मलाई हेरेपछि बाबुरामले आफुलाई मन परेको प्रतिक्रिया दिएका छन् ।‘फिल्म राम्रो बनेको छ , समाजमा रहेको अन्तरलाई पर्दामा फिल्मी शैलीमा हेर्न पाए’ उनले भने ‘एउटै समाजमा पुँजीवादले पार्ने प्रभाव राम्रोसँग चित्रण गरिएको छ , फिल्म हेर्न निम्तो गर्नु हुने अशोकजी लगायत टिमलाई धन्यवाद ।’नयाँ शक्तिकै अन्तर्राष्ट्रिय विभाग संयोजक समेत रहेकी हिसिलाले पनि फिल्म मन परेको बताइन । फिल्ममा खगेन्द्र लामिछाने, सौगात मल्ल, स्वस्तिमा खड्का, बुद्दि तामाङ्ग, सलोन बस्नेतलगायतका कलाकारहरुको अभिनय छ । फिल्मको कथा खगेन्द्र स्वयमले लेखेका हुन् ।
अपेक्षा कम गरेर फिल्म हेरियो भने फिल्मको आनन्द अर्कै हुँदो रहेछ।अशोक शर्माको फिल्म भन्ने बित्तिकै डांगडुंगे होला भन्ने कल्पना गरिन्छ।तर फिल्म जय भोलेले अनपेक्षित सन्तोषको अनुभूति गरायो।आखिर फिल्म भनेकै केही सन्देश, केही मनोरन्जन,अलिकति मुस्कान,अलिकति आँसु त हो!वधाई अशोक र टिमलाई! pic.twitter.com/BLZI3R7ODd
