ओटीटी । नयाँ वेब सिरिज ‘तस्कारी: द स्मगलर्स वेब’ इमानदार अधिकारीहरूका साहसिक मिशनको कथामा आधारित छ । सिरिजमा भारतीय सरकारले तस्करी नियन्त्रणमा पर्याप्त कदम नचालेको आरोपसहित संसदमा हलचल उत्पन्न हुन्छ । चुनाव नजिकिँदै गर्दा वित्त मन्त्रीले सीमा सुरक्षा बललाई कडा कारबाही गर्न दबाब दिन्छन् ।
यसैक्रममा प्रकाश कुमार (अनुराग सिन्हा) मुम्बई अन्तर्राष्ट्रिय विमानस्थलमा सहायक आयुक्तको रूपमा कार्यभार सम्हाल्छन् । उनी आफ्नो टोलीमा अर्जुन मीना (इमरान हाश्मी), मिताली कमाथ (अमृता खानविलकर) र रविन्द्र गुज्जर (नन्दिश सन्धु) लाई सामेल गराउन इच्छुक हुन्छन्, जसलाई उनी सबैभन्दा इमानदार अधिकारी मान्छन् । उनीहरूको लक्ष्य रंजीत चौधरी (शरद केलकर) को नेतृत्वमा रहेको चौधरी सिंडिकेटलाई ध्वस्त पार्नु हो ।
सिरिजको कथा जोखिमपूर्ण तस्करी नियन्त्रण अभियानमा आधारित छ, जसमा सुन, लागूऔषध, घडी आदि वस्तुहरूको तस्करी रोक्ने चुनौतीपूर्ण घटनाहरू देखाइन्छ ।
नीरज पाण्डे र विपुल के रावलद्वारा तयार गरिएको कथा जानकारीमूलक र मनोरञ्जनपूर्ण छ । नीरजले यसलाई ‘बेबी’ र ‘स्पेसल अप्स’ भन्दा फरक रुपमा प्रस्तुत गरेका छन् । नीरज पाण्डे, राघव जेयराथ र बी ए फिदाको निर्देशनले सिरिज तयार भएको छ । सात एपिसोड लामो सिरिजमा करिब दुईदेखितीन एपिसोड तस्करी र सीमा सुरक्षा प्रणाली बुझाउनेमा खर्चिएको छ । कथा सरल र बुझ्न योग्य छ, जसले दर्शकलाई सहजै कथामा समाहित गराउँछ । फ्ल्याशब्याक सीन र सिन सिटी शैलीको रंग प्रयोगले दृश्यलाई आकर्षक बनाएको छ ।
यसमा इमरान हाश्मी आफ्नो आकर्षण, कमेडी र गहिराईसहित प्रभावकारी देखिएका छन् । अमृता खानविलकर आफ्नो पात्रमा पूर्ण रूपले डुबेकी छिन् तथा एक्शन दृश्यमा प्रभावशाली देखिएकी छिन् । ‘तस्कारी: द स्मगलर्स वेब’ तस्करी र सीमा सुरक्षा क्षेत्रमा आधारित एक अनौठो वेब सिरिज हो । हल्का कथा, हास्य र नाटकिय क्षण, केही अप्रत्याशित ट्विस्ट र बलियो कास्टको प्रदर्शनले दर्शकलाई मनोरञ्जन दिन्छ ।
