फिल्म । आउँदो मङ्सिर ७ गतेबाट प्रदर्शनमा आउने फिल्म ‘तेल भिसा’को ट्रेलर सार्वजनिक गरिएको छ । शुक्रबार काठमाडौंमा एक कार्यक्रमका बीच सार्वजनिक ३ मिनेट ३८ सेकेण्ड लामो ट्रेलरमा छोराको सन्तान हुन लागेपछि नेपालबाट अमेरिका गएकी आमाले बेहोर्नुपरेको कानुनी झमेलाको कथा देखाईएको छ ।
अभिनेता विपिन कार्की दोहोरो भूमिकामा छन् । उनले बाबु र छोराको भूमिका निभाएका छन् । फिल्ममा शंकर घिमिरेको लेखन तथा निर्देशन छ । यो उनको १२ वर्षपछिको कमब्याक फिल्म हो । सुशन प्रजापतिको छायांकन रहेको फिल्ममा विपिनसँगै पूजा चन्द, वर्षा राउत, ऋचा घिमिरे, बुद्धि तामाङ, सुचित्रा उप्रेतीसहित अमेरिकी कलाकारहरुको पनि अभिनय छ । ऋचा घिमिरे प्रस्तुतकर्ता रहेको फिल्मको निर्मातामा अनिल पाण्डे र शिवराज कार्की छन् भने प्रिन्स युवराज कार्की र श्रुती दाहाल कार्यकारी निर्माता हुन् ।
कमेन्ट गर्नुहोस्
