विदेश । अन्ततः संयुक्त राज्य अमेरिकाका राष्ट्रपति डोनाल्ड ट्रम्पले विश्व स्वास्थ्य संगठन (डब्ल्यूएचओ)सँग अमेरिकाले सबै सम्बन्ध तोडेको घोषणा गरेका छन् । केहि दिन अगाडी डब्लुएचओलाई पत्राचार गर्दै राष्ट्रपति ट्रम्पले कोरोना भाइरस (कोभिड १९) संक्रमण फैलिनबाट रोक्न डब्ल्यूएचओ असफल भएको आरोप लगाउँदै सुधार गर्न आग्रह गरेका थिए ।
‘डब्लुएचओलाई सुधार गर्न अनुरोध गरेका थियौँ तर उसले सफलता पाउन सकेन । आजबाट हामीले विश्व स्वास्थ्य संगठनसँगको नाता तोड्दैछौं ’ शुक्रबार ह्वाइटहाउसमा आयोजित पत्रकार सम्मेलनमा ट्रम्पले भने । संयुक्त राष्ट्रसंघ अन्तर्गतको संस्था डब्ल्यूएचओलाई अमेरिकाले दिँदै आएको आर्थिक सहयोग अब विश्व पब्लिक हेल्थमा लगाउने पनि ट्रम्पले घोषणा गरे ।
“We are today terminating our relationship with the World Health Organization” US President Donald Trump says it will be “redirecting those funds to other worldwide and deserving urgent global public health needs” https://t.co/clJXEKm7Bb pic.twitter.com/mLYz4rDXjE
— BBC News (World) (@BBCWorld) May 29, 2020
साथै , ट्रम्पले कोरोना भाइरस फैलिनु र नियन्त्रणमा नरहनुलाई डब्लुएचओको लापरबाही भनेका छन् । यसैगरी उनले डब्लुएचओ चीनको नियन्त्रणमा रहेको आरोप समेत लगाए । कोरोना भाइरस पहिलो पटक गत वर्षको डिसेम्बर अन्तिममा चीनको वुहान सहरमा पाइएको थियो । चीनले कोरोणा भाइरसलाई नियन्त्रणमा लिनु र अन्य देशमा ठुलो क्षति गर्नुलाई अमेरिकाले शंकाको दृष्टिकोणले हेर्दै आएको छ । अमेरिका डब्ल्यूएचओको सबैभन्दा ठूलो दाता हो । अमेरिकाले हरेक वर्ष डब्ल्यूएचओलाई ४५ करोड डलर आर्थिक सहयोग गर्छ । (एजेन्सी)
