फिल्म । नेपालको फिल्मनगरीमा दुइ वर्षा चर्चामा रहने गर्छन् । ति हुन् ,वर्षा राउत र वर्षा सिवाकोटी । दुवैले नाई नभन्नु ल सिरिज मार्फत डेब्यु गरेका हुन् । वर्षा राउत म्युजिक भिडियो हुँदै फिल्ममा आएकी हुन् भने वर्षा सिवाकोटीले फिल्ममा डेब्यु गरेपछि आफुलाई भिडियोमा व्यस्त बनाइन । यी दुइको आपसमा सम्बन्ध राम्रो नरहेको गसिप बेलाबखतमा हुने गर्छ । तर , सामाजिक सञ्जाल मार्फत दुवैले त्यस्तो नरहेको बताइसकेका छन् । तर , पछिल्लो समय वर्षा राउत अभिनित जात्रै जात्रा र वर्षा सिवाकोटी अभिनित बीर विक्रम २ एकसाथ प्रदर्शनमा आएपछि यी दुइको सम्बन्ध राम्रो नरहेको धेरै चर्चा भयो ।
त्यसपछि वर्षा सिवाकोटीले सामाजिक सञ्जाल मार्फत नै स्टाटस पोष्ट गर्दै आफ्नो भावना समेत प्रष्ट्याइन । आफु बीच प्रतिष्पर्धा नरहेको बताउने दुइ वर्षा मध्य राउतले ‘बीर विक्रम २’ हेरेकी छिन । उनले आइतबार कुमारी हलमा फिल्म हेरेकी हुन् । ‘फिल्म हेर्ने मनस्थिति थियो त्यसैले समय मिल्नासाथ् हेरे’ उनले भनिन् ‘ फिल्म रमाइलो बनेको छ भने वर्षाको काम तारिफयोग्य छ ।’
वर्षा राउत फिल्म हेर्ने आएको थाहा पाएपछि वर्षा सिवाकोटीले हलमै पुगेर धन्यवाद दिईन् । ‘हामी बीच गसिप भए जस्तो राम्रो केहि थिएन्’ वर्षाले भनिन् ‘हामीलाई माया गर्नु भएकोमा आभारी छु , छिटै समय मिलाएर फिल्म जात्रै जात्रा हेर्ने छु ।’ साथै दुइ वर्षाले नै आफुहरु एकसाथ फिल्ममा देखिन कुनै आपत्ति नरहेको पनि बताए । गत शुक्रबार देखि बीर विक्रम २ र जात्रै जात्रा प्रदर्शन भइरहेको छ । दुवै फिल्मलाई दर्शकले रुचाइरहेका छन् ।
